इंम्पेरिअल ते शक्कर चौक दरम्यान वाहतूकीत बदल नागर‍िकांना हरकती असल्यास १० जून पर्यंत सादर करण्याचे पोलीस विभागाचे आवाहन
अहमदनगर, ८ जून( प्रतिनिधी ) अहमदनगर शहरातील शक्कर चौक ते जीपीओ चौक या दरम्यान उड्डाणपुलाचे काम प्रगतीपथावर असल्याने शहरातील इंम्पेरिअल चौक ते शक्कर चौक दरम्यान वाहतूकीत बदल करण्यात आले आहेत. याबाबत नागर‍िकांना काही हरकती असल्यास त्यांनी शहर वाहतूक नियंत्रण शाखेत स्वत: उपस्थ‍ित राहून किंवा ई-मेलद्वारे १० जून २०२२ पर्यंत हरकती नोंदवाव्यात. असे आवाहन ज‍िल्हा पोलीस अधीक्षक मनोज पाटील यांनी प्रस‍िध्दीपत्रकाद्वारे केले आहे.
पुणे कडून औरंगाबाद कडे जाणारे वाहतुकीकर‍िता मार्ग शक्कर चौक- टिळक रोड- आयुर्वेदिक कॉलेज कॉर्नर-राज पॅलेस रोड- स्वस्तिक चौक मार्गे औरंगाबादकडे वाहतूक सुरू करण्यात आली आहे. नेप्ती नाका- टिळक रोडने पुणे / औरंगाबाद कडे जाणारी वाहतूक नेप्ती नाका -आयुर्वेदिक कॉलेज कॉर्नर -राज पॅलेस रोड स्वस्तिक चौक मार्गे सुरू करण्यात आली आहे. अहमदनगर रेल्वे स्टेशनकडून पुणे / औरंगाबाद कडे जाणारी वाहतूक शक्कर- चौक टिळक रोड -आयुर्वेदिक कॉलेज कॉर्नर- राज पॅलेस रोड स्वस्तिक चौक मार्गे औरंगाबादकडे जाईल. तसेच अहमदनगर रेल्वे स्टेशन -कायनेटीक चौक मार्गे पुण्याकडे वाहतूक सुरू करण्यात आली आहे. औरंगाबाद कडून पुणेकडे जाणारे वाहतूक इंम्पेरिअल चौक – चाणक्य चौक – आनंदऋषीजी हॉस्पीटल रोड- शक्कर चौक मार्गे पुणे तसेच ज्या वाहनचालकांना शक्कर चौक येथुन अहमदनगर रेल्वे स्टेशनकडे जायचे असेल त्यांनी कायनेटीक चौक मार्गे रेल्वे स्टेशनकडे जाणारे मार्गाचा वापर करावा.
याबाबत नागर‍िकांना काही हरकती असल्यास शहर वाहतूक नियंत्रण शाखा, अहमदनगर येथे समक्ष येवून
किंवा pi.tfecity.anr@mahapolice.gov.in या ई-मेलवर १० जून २०२२ पूर्वी द्याव्यात. असे आवाहन ही पोलीस अधीक्षक मनोज पाटील यांनी पत्रकाद्वारे केले आहे.
