खळबळजनक
अनाथ मागासवर्गीय मुलींच्या उद्धाराकरता स्थापन झालेल्या जानकीबाई आपटे बालिकाश्रम या संस्थेच्या मिळकतीची परस्परपणे विक्री करण्याचा संस्थाचालक व धनाढय बिल्डर लॉबीचा घाट! आंबेडकरी जनतेत असंतोषाची लाट!
यामध्ये संस्थेचे विद्यमान विश्वस्त व शहरातील धनाढय बिल्डर यांनी परस्परपणे हा प्रकार केला असून करोडो रुपयांच्या आर्थिक देवाण-घेवाणीतून मागासवर्गीय दलित,अनाथ, मुलींच्या उद्धाराकरता स्थापन केलेल्या मिळकतीची विक्री केली असल्याची माहिती समोर आली आहे. या व्यवहारातून संस्थेच्या विश्वस्थानी करोडो रुपयांचा अपहार केल्याची बाब समोर आली आहे. याबाबत आंबेडकरी चळवळीतून तीव्र प्रकारचा असंतोष निर्माण झालेला आहे. याबाबतीत समाज कल्याण विभाग व गृह विभाग यांच्यामार्फत चौकशी करून या प्रकरणातील दोषींविरुद्ध तात्काळ गुन्हा दाखल करावा अशी मागणी आंबेडकरी चळवळीतून होत आहे. याबाबत सदर प्रकरणातील दोषीविरुद्ध तात्काळ गुन्हा दाखल न झाल्यास तीव्र स्वरूपाचे आंदोलन छेडणार असल्याचा पवित्रा समस्त आंबेडकरी चळवळीने घेतला आहे.
