ट्रक , कंटेनरच्या धडकेत दोनजण जागीच ठार! पोलीस कर्मचारी जखमी!
अहमदनगर( प्रतिनिधी)ट्रक , कंटेनरच्या धडकेत दोनजण जागीच ठार झाले तर एक
पोलीस कर्मचारी जखमी झाल्याची घटना रविवार दिनांक दि.६ नोव्हेंबर पहाटे नगर औरंगाबाद महामार्गावरील शेंडी बायपास चौकात घडली.
याबाबत अधिक माहिती अशी की, औरंगाबाद कडून नगरकडे जाणाऱ्या ट्रकला (क्र.एम. एच.४३ वाय ७७४०) पाठीमागून कंटेनरने (क्र.एम. एच. १२ जे.एस.९१९९) जोरदार धडक दिल्याने अपघात घडला.हा अपघात शेंडी बायपास चौकात घडला असून धडक इतकी भीषण होती की कंटेनरच्या केबिनचे संपूर्णपणे नुकसान झाले आहे.कंटेनर मध्ये लोखंडी सळया असल्याने त्या केबिनमध्ये घुसल्याने कंटेनर मधील कृष्णा रघुनाथ सानप ( वय २५ रा.रामनगर ता. गेवराई.जिल्हा.बीड) व एका अज्ञात इसमाचा जागेवरच मृत्यू झाला आहे.त्याची अद्याप ओळख पटलेली नाही. तर चौकात बंदोबस्तासाठी असणारे पोलीस कर्मचारी संभाजी खलाटे जखमी झाल्याची माहिती मिळाली. वाहतुक बंदोबस्तासाठी असणारे पोलिसांनी तत्परता दाखवत बाजूला गेल्याने ते बचावले.
