अहमदनगर आज‘तृतीय रत्न’ नाटकाचा विनामूल्य प्रयोग

अहमदनगर,२४ मे (प्रतिनिधी)- अहमदनगर येथील यशवंतराव चव्हाण सहकार सभागृहात आज २४ मे २०२२ ला सायंकाळी ६ वाजता ‘तृतीय रत्न’ या नाट्यप्रयोगाचे आयोजन करण्यात येत आहे. या नाट्यप्रयोगासाठी नि:शुल्क प्रवेश ठेवण्यात आला आहे. अशी माहिती महाज्योतीचे व्यवस्थापकीय संचालक प्रदीपकुमार डांगे यांनी प्रसिद्धीपत्रकाद्वारे दिली आहे.
महात्मा ज्योतीबा फुले यांच्या शैक्षणिक, सामाजिक विचारांचा प्रसार व्हावा, त्यांच्या समाज प्रबोधनासाठीच्या प्रयत्नांचे मोल कळावे. या हेतूने इतर मागास बहुजन कल्याण विभागाचे मंत्री तथा महाज्योतीचे अध्यक्ष श्विजय वडेट्टीवार, संचालक डॉ. बबनराव तायवाडे, प्रा. दिवाकर गमे, लक्ष्मण वडले यांनी महाज्योतीच्या वतीने राज्यातील विविध जिल्ह्यात महात्मा ज्योतीबा फुले लिखित ‘तृतीय रत्न’ नाटकाच्या प्रयोग करण्याचा सूचना दिल्या आहेत.
अनिरुद्ध वनकर यांनी नाटकाचे दिग्दर्शन केले असून त्यांच्यासह ३० कलाकार व सहकाऱ्यांचा या नाटकात सहभाग असणार आहे. याआधी विविध जिल्ह्यात दहा प्रयोगाचे यशस्वी आयोजन करण्यात आलेले आहे. प्रेक्षक आणि माध्यमांकडून त्याला उत्स्फूर्त असा प्रतिसाद मिळाला आहे. सदर नाट्यप्रयोगास मोठ्या संख्येने उपस्थित राहण्याचे आवाहनही प्रदीपकुमार डांगे यांनी या प्रसिद्धपत्रकाद्वारे केले आहे.