नगरसेवक सुरेशभाऊ बनसोडे मित्र मंडळाच्या वतीने 9 एप्रिल रोजी प्रसिद्ध गायक आनंद शिंदे यांच्या भव्य भिमगीतांच्या कार्यक्रमाची जय्यत तयारी अहिल्यानगर शहरात ठिकठिकाणी भिमगीत गायन कार्यक्रमाचे फलक

देशस्तंभ ऑनलाईन न्यूज नेटवर्क : अहिल्यानगर, दि. 6 एप्रिल : अवघ्या महाराष्ट्र राज्यात नव्हे तर देशात व प्रदेशात सुद्धा महामानव डॉ. बाबासाहेब आंबेडकर यांची जयंती मोठया प्रमाणात साजरी केली जाते.
अहिल्यानगर शहरात महामानव डॉ. बाबासाहेब आंबेडकर यांचा पूर्णाकृती पुतळा नगर शहराचे कार्यसम्राट आमदार संग्राम भैय्या जगताप यांनी शासन दरबारी केलेल्या पाठपुराव्यामुळे उभारण्यात आला.

 यावर्षी शहरातील मार्केटयार्ड चौकातील महामानव डॉ. बाबासाहेब आंबेडकर यांच्या पूर्णाकृती पुतळ्याला अभिवादन करणारी ही पहिलीच जयंती आहे. त्यामुळे या जयंतीला एक विशेष महत्व प्राप्त झाले आहे.
आमदार संग्राम भैय्या जगताप यांचे कट्टर समर्थक महानगर पालिकेचे नगरसेवक सुरेशभाऊ बनसोडे मित्र मंडळाच्या वतीने सुप्रसिद्ध गायक आनंद शिंदे यांच्या भव्य भिमगीतांच्या कार्यक्रमाचे आयोजन करण्यात आले आहे.गुरुवार 9 एप्रिल रोजी सायंकाळी 5 वाजता डॉ. बाबासाहेब आंबेडकर पूर्णाकृती पुतळा मार्केटयार्ड येथे हा कार्यक्रम होणार आहे. या कार्यक्रमाची जय्यत तयारी अहिल्यानगर शहरात सुरु असून शहरात ठिकठिकाणी कार्यक्रमाचे फलक लावण्यात येत आहेत. या कार्यक्रमाला फुले, शाहू, आंबेडकरी चळवळीतील विविध संघटना, समस्त समाज बांधव व बहुजन समाजातील नागरिकांनी उपस्थित रहावे, असे आवाहन कार्यक्रमाचे आयोजक नगरसेवक सुरेशभाऊ बनसोडे यांनी केले आहे.