जबरी चोरीच्या गुन्ह्यातील सराईत आरोपीस स्थानिक गुन्हे शाखेने केले गजाआड

अहमदनगर दि. ९ सप्टेंबर (प्रतिनिधी) जामखेड तालुक्यातील खर्डा येथील जबरी चोरीच्या गुन्ह्यातील सराईत आरोपीस स्थानिक गुन्हे शाखेने गजाआड केल्याची कारवाई समोर आली आहे.
प्रस्तुत बातमीची हकिगत अशी की, फिर्यादी श्री. मुरलीधर गहिणीनाथ गोलेकर वय 57, रा. गोलेकर लवण, खर्डा, ता. जामखेड हे घरात झोपलेले असताना अनोळखी चार आरोपींनी किचनचा दरवाजा तोडुन आत प्रवेश करुन गजाने मारहाण व जखमी करुन 2,04,800/- रुपये किंमतीचे सोन्याचे दागिने व रोख घरफोडी करुन चोरुन नेले होते. सदर घटने बाबत फिर्यादी यांनी दिलेल्या तक्रारी वरुन खर्डा पोलीस स्टेशन गु.र.नं. 165/2023 भादविक 459, 34 प्रमाणे घरफोडीचा गुन्हा दाखल करण्यात आला होता.
सदर घटना घडल्यानंतर मा. श्री. राकेश ओला साहेब, पोलीस अधिक्षक, अहमदनगर यांनी पोनि/श्री. दिनेश आहेर, स्थानिक गुन्हे शाखा, अहमदनगर यांना स्थानिक गुन्हे शाखेतील पोलीस अधिकारी व अंमलदार यांचे पथक नेमुन घरफोडीच्या गुन्ह्यांचा समांतर तपास करुन गुन्हे उघडकिस आणणे बाबत आदेश दिले होते.
नमुद आदेशा प्रमाणे पोनि/श्री. दिनेश आहेर यांनी स्थानिक गुन्हे शाखेतील पोसई/सोपान गोरे, पोना/रविंद्र कर्डीले, गणेश भिंगारदे, संतोष लोढे, विजय ठोंबरे, फुरकान शेख, पोकॉ/अमोल कोतकर, किशोर शिरसाठ, भाऊसाहेब काळे, मच्छिंद्र बर्डे, बाळासाहेब गुंजाळ, सागर ससाणे, विजय धनेधर, चापोहेकॉ/अर्जुन बडे व चापोकॉ/अरुण मोरे यांचे पथक नेमुन घरफोडी चोरीच्या गुन्ह्यातील आरोपींचा शोध घेवुन कारवाई करणे बाबत आवश्यक सुचना देवुन पथकास रवाना केले. पथक सराईत गुन्हेगारांना चेक करताना पोनि/श्री. दिनेश आहेर यांना गुप्तबातमीदारा मार्फत माहिती मिळाली की, वरील प्रमाणे दाखल गुन्हा हा आरोपी लाल्या ऊर्फ सोन्या भोसले रा. बेलगांव, ता. कर्जत याने त्याचे साथीदारासह केला असुन तो आंधळेवाडी, ता. आष्टी, जिल्हा बीड येथे असुन आता गेल्यास मिळुन येईल अशी खात्रीशीर माहिती मिळाल्याने पोनि/श्री. दिनेश आहेर यांनी प्राप्त माहिती पथकास कळवुन, पंचाना सोबत घेवुन, खात्री करुन कारवाई करणे बाबत मागदर्शन केल्याने पथकाने लागलीच आंधळेवाडी, ता. आष्टी, जिल्हा बीड येथे जावुन आरोपीचे वास्तव्या बाबत माहिती घेवुन खात्री करता संशयीत आरोपी मिळुन आल्याने त्यास शिताफीने ताब्यात घेतले. ताब्यात घेतलेल्या आरोपीस पोलीस पथकाची ओळख सांगुन त्याचे नाव गांव विचारले असता त्याने त्याचे नाव 1) लाल्या ऊर्फ सोन्या ऊर्फ राजेंद्र ईश्वर भोसले वय 28, रा. बेलगांव, ता. कर्जत असे असल्याचे सांगितले. त्यांचेकडे वर नमुद गुन्ह्या बाबत विचारपुस करता त्याने त्याचे इतर साथीदार नामे निकाजी काळे, कान्हा काळे व संतोष आंधळे यांचेसह सदर गुन्हा केल्याची कबुली दिली. ताब्यातील आरोपीचे इतर साथीदाराचा शोध घेता आरोपी नामे 2) निकाजी अभिमान ऊर्फ जिन्या काळे वय 32, रा. आष्टी, जिल्हा बीड व 3) संतोष पोपट आंधळे वय 42, रा. आंधळेवाडी, ता. आष्टी, जिल्हा बीड हे वेगवेगळ्या ठिकाणी मिळुन आल्याने त्यांना ताब्यात घेतले. आरोपी साथीदार नामे 4) कान्हा उध्दव काळे रा. ता. आष्टी, जिल्हा बीड (फरार) याचा शोध घेतला परंतु तो मिळुन आला नाही.
ताब्यात घेतलेल्या आरोपींकडे आणखीन कोठे कोठे अशा प्रकारचे गुन्हे केले या बाबत विचारपुस करता त्यांनी खालील प्रमाणे गुन्हे केल्याची माहिती दिली आहे.
अ.क्र. पोलीस स्टेशन गु.र.नं. व कलम
1. भुम, जिल्हा उस्मानाबाद गु.र.नं. 218/23 भादविक 454, 380
2. जामखेड गु.र.नं. 389/23 भादविक 454, 380
3. जामखेड गु.र.नं. 403/23 भादविक 454, 380
4. कर्जत गु.र.नं. 560/23 भादविक 454, 380
5. मिरजगांव गु.र.नं. 292/23 भादविक 454, 380
ताब्यात घेतलेल्या आरोपींची पंचासमक्ष अंगझडती घेता त्यांचे अंगझडतीमध्ये 1,50,000/- रुपये किंमतीचे विविध प्रकारचे सोन्याचे दागिने, चांदीचे पैजण व 50,000/- रुपये किंमतीची शाईन मोटार सायकल असा एकुण 2,00,000/- रुपये किंमतीचे मुद्देमालासह ताब्यात घेतले आहे.
आरोपी लाल्या ऊर्फ सोन्या ऊर्फ राजेंद्र ईश्वर भोसले हा सराईत गुन्हेगार असुन त्यांचे विरुध्द अहमदनगर, बीड व नाशिक जिल्ह्यात दरोडा, खुनासह दरोडा, दरोडा तयारी, जबरी चोरी, घरफोडी व खुनाचा प्रयत्न असे गंभीर स्वरुपाचे एकुण 11 गुन्हे दाखल आहेत ते खालील प्रमाणे –
अ.क्र. पोलीस स्टेशन गु.र.नं. व कलम
1. आष्टी, जिल्हा बीड गु.र.नं. 98/2014 भादविक 457, 380 (फरार)
2. जामखेड गु.र.नं. 35/2016 भादविक 394, 458, 459
3. आष्टी, जिल्हा बीड गु.र.नं. 132/16 भादविक 307, 332, 353, 399 आर्म ऍ़क्ट क 4/25
4. कर्जत गु.र.नं. 64/2016 भादविक 399, 402
5. आष्टी, जिल्हा बीड गु.र.नं. 126/2015 भादविक 394, 395
6. आष्टी, जिल्हा बीड गु.र.नं. 60/2018 भादविक.399,332 आर्म ऍ़क्ट 4/25
7. पाथर्डी गु.र.नं. 49/2018 भादविक 396, 201
8. नगर तालुका गु.र.नं. 116/2020 भादविक 395, 394, 342, 427, 34
9. नगर तालुका गु.र.नं. 132/2020 भादविक 399, 402
10. कर्जत गु.र.नं. 453/2020 भादविक 457, 380, 395, 397
11. आडगांव, जिल्हा नाशिक गु.र.नं. 156/2023 भादविक 454, 380
आरोपी निकाजी अभिमान काळे हा सराईत गुन्हेगार असुन त्यांचे विरुध्द बीड, बुलढाणा व सातारा जिल्ह्यात दरोडा व घरफोडी असे गंभीर स्वरुपाचे एकुण -3 गुन्हे दाखल आहेत ते खालील प्रमाणे –
अ.क्र. पोलीस स्टेशन गु.र.नं. व कलम
1. आष्टी, जिल्हा बीड गु.र.नं. 115/22 भादविक 395, 392, 457, 380, 458, 34
2. शाहुवाडी, जिल्हा बुलढाणा गु.र.नं. 10/23 भादविक 454, 380, 34
3. पन्हाळा, जिल्हा सातारा गु.र.नं. 3/23 भादविक 454, 380, 34
सदरची कारवाई मा. श्री. राकेश ओला साहेब, पोलीस अधीक्षक, अहमदनगर, मा. श्री. प्रशांत खैरे साहेब, अपर पोलीस अधीक्षक, अहमदनगर व मा. श्री. विवेकानंद वाखारे साहेब, उपविभागीय पोलीस अधिकारी, कर्जत विभाग यांचे सुचना व मार्गदर्शना खाली स्थानिक गुन्हे शाखेतील पोलीस अधिकारी व अंमलदार यांनी केलेली आहे.