चैन स्नॅचिंगच्या गुन्हयातील आरोपिंच्या स्थानिक गुन्हे शाखेने आवळल्या मुसक्या! 2,20,000/-रूपये किंमतीचा मुद्देमाल ताब्यात!

अहिल्यानगर दि. 18 ऑक्टोबर (प्रतिनिधी )प्रस्तुत बातमीची हकिगत अशी की, दिनांक 15/10/2024 रोजी फिर्यादी सौ.इसराज असिफ पटेल, वय 45, रा.हसनापूर, ता.राहाता या त्यांच्या मुलीसह घरी जात असताना फिरोज वॉच व मोबाईल सेंटर जवळ युनीकॉर्न गाडीवरून दोन अज्ञात चोरटयांनी फिर्यादीचे गळयातील सोन्याची मिनी गंठण बळजबरीने हिसकावून चोरून नेले आहे.याबाबत लोणी पोलीस ठाणे गु.र.नं. 565/2024 बीएनएस कलम 309 (4), प्रमाणे जबरी चोरीचा गुन्हा दाखल करण्यात आलेला आहे.
सदर घडलेल्या घटनेबाबत मा. श्री.राकेश ओला साहेब, पोलीस अधिक्षक अहिल्यानगर यांनी पोनि/श्री.दिनेश आहेर, स्थानिक गुन्हे शाखा यांना गुन्हे उघडकीस आणणेबाबत तपास पथक नेमुण कारवाई करणे बाबत आदेश दिले होते.
नमुद आदेशा प्रमाणे पोनि/श्री. दिनेश आहेर, स्थानिक गुन्हे शाखा, अहिल्यानगर यांनी स्थानिक गुन्हे शाखेतील पोउपनि/ तुषार धाकराव व पोलीस अंमलदार अतुल लोटके, फुरकान शेख, अमृत आढाव, प्रशांत राठोड तसेच मनोज गोसावी, रमीझराजा अत्तार नेम.तपास पथक श्रीरामपूर अशांचे पथक नेमुण गुन्ह्यातील आरोपींची माहिती व शोध घेणेबाबत सुचना व मार्गदर्शन केले.
तपास पथकाने घटनाठिकाणी भेट देवुन, लोणी पोलीस स्टेशन हद्दीत सीसीटीव्ही फुटेजच्या आधारे आरोपीचा शोध घेत असताना दिनांक 16/10/2024 रोजी पोसई/धाकराव यांना गुप्त बातमीदारामार्फत माहिती मिळाली की, सदरचा गुन्हा हा आरोपी साहिल उर्फ मिंडा बाबासाहेब पिंपळे, रा.अशोकनगर, श्रीरामपूर याने त्याचे साथीदारासह केला असुन ते गुन्हयातील चोरी केलेले सोने विक्री करण्यासाठी कोल्हार बु.ाा ता.राहाता येथे येणार आहेत. मिळालेल्या माहितीच्या आधारे पोलीस पथकाने कोल्हार ते बेलापूर रोडवर, प्रथमेश ॲग्रो, कोल्हार, ता.राहाता येथे सापळा लावून दोन संशयीत इसम मोटार सायकलवर आल्याने त्यांना ताब्यात घेतले. ताब्यातील इसमास त्यांचे नाव गांव विचारले असता त्यांनी त्यांचे नाव 1) साहिल उर्फ मिंडा बाबासाहेब पिंपळे, वय 26, रा.अशोकनगर, श्रीरामपूर व 2) अजय संजय पंडीत, वय 19, रा.निपाणी वडगाव, ता.श्रीरामपूर, जि.अहिल्यानगर असे असल्याचे सांगितले. तपास पथकाने पंचासमक्ष आरोपीची अंगझडती घेतली असता आरोपी नामे 1) सचिन ईश्वर भोसले याचेकडून 1,40,000/- रूपये किंमतीचे सोन्याचे दागीने 2) अजय संजय पंडीत याचेकडून 80,000/- रूपये किंमतीची मोटार सायकल असा एकुण 2,20,000/- रूपये किंमतीचा मुद्देमाल हस्तगत करण्यात आला आहे.
तपास पथकाने आरोपीकडे वर नमूद गुन्हयांचे अनुषंगाने विचारपुस करता त्यांनी दिनांक 15/10/2024 रोजी दुपारी 04.00 वा.सुमारास लोणी शहरामध्ये मोटार सायकलवरून एका महिलेच्या अंगावरील सोन्याचे दागीने बळजबरीने ओढुन चोरी केल्याचे सांगीतले.तसेच मोटार सायकलबाबत विचारपुस केली असता दोन्ही आरोपीतांनी दोन ते तीन महिन्यापुर्वी गोपीनाथनगर, वॉर्ड नं.2 श्रीरामपूर येथुन गुन्हयात हस्तगत केलेली मोटार सायकल चोरी केलेली असल्याचे सांगीतले.आरोपींनी दिलेल्या माहितीवरून 02 गुन्हे उघडकिस आलेले आहेत ते खालील प्रमाणे –
अ.क्र. पोलीस स्टेशन गु.र.नं. व कलम
1 लोणी 565/2024 बीएनएस 309 (4)
2 श्रीरामपूर शहर 676/2024 बीएनएस 303 (2)
ताब्यातील आरोपींना गुन्ह्याचे तपासकामी लोणी पोलीस ठाणे येथे मुद्देमालासह हजर करण्यात आले असुन पुढील तपास लोणी पोलीस स्टेशन हे करीत आहे.आरोपी साहिल उर्फ मिंडा बाबासाहेब पिंपळे हा सराईत गुन्हेगार असुन त्यांचे विरुध्द यापुर्वी श्रीरामपूर शहर पोलीस स्टेशनला 3 गुन्हे दाखल आहेत.
सदरची कारवाई मा. श्री. राकेश ओला साहेब, पोलीस अधीक्षक, अहिल्यानगर, श्री. वैभव कलुबर्मे साहेब, अपर पोलीस अधिक्षक, अहिल्यानगर, मा. श्री. शिरीष वमने साहेब, उपविभागीय पोलीस अधिकारी, शिर्डी विभाग, मा.श्री.बसवराज शिवपुजे साहेब, श्रीरामपूर विभाग यांचे सुचना व मार्गदर्शना खाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.