मल्हार चौक, आगरकर मळा आणि स्टेशन परिसरातील प्रचार फेरीत अभिषेक कळमकर यांना नागरिकांचा अभूतपूर्व प्रतिसाद, जनतेची प्राथमिक गरजांची मागणी

अहिल्यानगर दि. 10 नोव्हेंबर (प्रतिनिधी )नगर शहरातील मल्हार चौक, आगरकर मळा आणि स्टेशन परिसरात आयोजित अभिषेक कळमकर यांच्या प्रचार फेरीला नागरिकांनी उत्स्फूर्त प्रतिसाद दिला. ठिकठिकाणी तुतारी वाजवून कळमकरांच्या समर्थनात उत्साहाची लाट निर्माण करण्यात आली. या फेरीत नागरिकांचा सहभाग लक्षणीय ठरला आणि त्यांचे हक्कांचा आवाज बनण्याचे आश्वासन दिले.

*प्रचार फेरीत जनतेचा सहभाग व कळमकरांच्या नेतृत्वातील आश्वासनांवर विश्वास*

अभिषेक कळमकर यांची प्रचार फेरी जशी जशी पुढे सरकत होती, तशी नागरिकांची गर्दी वाढत होती. स्थानिकांनी या फेरीत अभिषेक कळमकर यांच्याशी थेट संवाद साधला आणि आपल्या समस्या मांडल्या. प्रत्येक चौकात नागरिकांनी “आम्हाला गरजा पूर्ण करणारा नेता हवा” अशी जोरदार मागणी केली. पाण्याचा अभाव, सार्वजनिक स्वच्छता, अपूर्ण रस्ते, आणि वीज समस्या अशा विविध विषयांवर चर्चा करण्यात आली. नागरिकांनी आर्त हाक दिली की, “आमच्या मूलभूत गरजा तरी पूर्ण करा.”

*स्थानिक समस्यांवर प्रकाश, प्राथमिक गरजांची पूर्तता आवश्यक*
प्रचार फेरीच्या दरम्यान अनेकांनी स्थानिक समस्या, सुरक्षिततेच्या प्रश्नांबद्दल अभिषेक कळमकर यांना सांगितल्या . अनेकांनी रस्त्यांवरील खड्डे, पिण्याच्या पाण्याची तुटवडा, तसेच महिलांच्या सुरक्षिततेबद्दल चिंता व्यक्त केली. कळमकरांनी नागरिकांच्या मागण्यांकडे गांभीर्याने लक्ष देण्याचे व त्यांच्या प्रश्नांची तातडीने सोडवणूक करण्याचे आश्वासन दिले. “तुमच्या समस्या आमच्याही आहेत, आणि त्यासाठी मी कटिबद्ध आहे,” असे आश्वासन देत त्यांनी नागरिकांना आपले पाठींबे देण्याचे आवाहन केले.

*मतदानाची दिशा ठरल्याचे संकेत, नागरिकांचा वाढता पाठींबा*
प्रचार फेरीत मिळालेला प्रचंड प्रतिसाद पाहता, येणाऱ्या निवडणुकीत नागरिकांचा पाठींबा अभिषेक कळमकर यांच्या बाजूने स्पष्ट दिसून येत आहे. अनेक नागरिकांनी खुल्या मनाने आपले मत व्यक्त केले की, “या वेळी मतदानाची दिशा ठरलेली आहे. आम्हाला विकास साधणारा आणि गरजा पूर्ण करणारा नेता हवा आहे.” प्रचार फेरीतून मिळालेल्या उत्स्फूर्त प्रतिसादामुळे कळमकर यांच्या नेतृत्वाला अधिक बळ मिळाले आहे.

*अभिषेक कळमकरांचे विकासाचे वचन*

प्रचार फेरीत अभिषेक कळमकर यांनी नागरिकांशी संवाद साधत त्यांच्या विकासाच्या दृष्टीकोनावर प्रकाश टाकला. त्यांनी नागरिकांच्या समस्यांवर नेमके उपाय काढण्याचे वचन दिले. “ही फक्त प्रचार फेरी नाही, हे तुमच्याशी संवाद साधण्याचे व्यासपीठ आहे. तुमच्या समस्या आणि गरजांवर आम्ही नक्कीच काम करू,” असे त्यांनी म्हटले.
नगर शहरातील मुलभूत सुविधांच्या प्रश्नांवर ठोस उपाययोजना करून नागरिकांचा विश्वास जिंकण्याचा त्यांचा प्रयत्न यशस्वी होईल, असा विश्वास नागरिकांनी व्यक्त केला आहे.
या फेरी मध्ये माहविकास आघाडीचे दत्ता जाधव , शिवाजी कदम , विक्रम राठोड , यांसह पदाधिकारी , कार्यकर्ते परिसरातील नागरिक मोठ्या संख्येने उपस्थित होते.