बॅग लिफ्टींग करणा-या चोरट्यांना कोतवाली पोलीसांनी केले गजाआड! २,३०,०००/- रुपये किमतीचा मुद्देमाल केला हस्तगत!
अहमदनगर (प्रतिनिधी ५ नोव्हेंबर):-बॅग लिफ्टींग करणा-या चोरट्यांना कोतवाली पोलीसांनी केले मुद्देमालासह जेरबंद २,३०,०००/- रुपये किमतीचा मुद्देमाल केला हस्तगत दि.२७/१०/२०२२ रोजी फिर्यादी अशितोष संभाजी खोडदे (रा.माळीवाडा विशाल गणपती समोर अहमदनगर) यांनी फिर्याद दिली की, दि २७/१०/२०२२ रोजी दुपारी ते त्यांचे मालकाचे २,०७,०००/- रुपये रोख रक्कम व चेक हे मर्चट बँकेमध्ये मार्केटयार्ड येथे भरणा करणे करीता इलेक्ट्रीक दुचाकी गाडीने जात असताना त्यांना हाँटेल छप्पन भोग चाणक्य चौक परीसरात एका विना क्रं च्या अपाची गाडीवरील २५ ते ३० वयोगटातील दोन अनोळखी चोरट्यांनी अडवुन त्यांचे कडील रोख रक्कमेची पिशवी व चेक हे बळजबरीने स्वताच्या आर्थिक फायद्या करीता हिसकावुन चोरुन घेवुन गेले आहेत या फिर्यादी वरुन कोतवाली पोलीस स्टेशन गुरनं ा८४८/२०२२ भादवि कलम ३९२,३४ प्रमाणे गुन्हा रजि दाखल करण्यात आला होता.सदर गुन्ह्याचा तपास करत असतांना पोलीस निरिक्षक श्री.संपतराव शिंदे यांना गुप्त बातमीदारामार्फत माहिती मिळाली की,सदर गुन्हा हा फिर्यादी यांचेवर पाळत ठेवुन झालेला असुन फिर्यादी हे रोख रक्कम रोज कोणत्या वेळी घेवून जात असतात याची माहीती घेवुन सदरची चोरी करण्यात आलेली आहे व आरोपी हे रतडगाव ता.नगर येथील असल्याची प्राथमिक माहीती मिळाल्यावरुन सदर आरोपींचा शोध घेणे कामी गुन्हे शोध पथकाचे एक पथक तयार करुन आरोपीच्या शोधार्थ रवाना केले व आरोपी हे रतडगाव मध्ये राहण्यास असल्याची पक्की माहीती मिळाल्याने सदर ठिकाणी सापळा लावुन वरील वर्णनाचे दोन संशयीत इसम मिळुन आल्याने त्याना ताब्यात घेवून त्यांचे कडे गुन्ह्यासंदर्भात विचारपुस केली असता त्यानी गुन्हा केल्याचे कबुल करुन त्याचे नाव १) अमोल सोपान जाधव वर्ष २४ वर्ष २) सुभाष बाबासाहेब जगताप वय ३१ वर्ष असे सांगीतले व गुन्हा करते वेळी आरोपी अमोल व त्यांचा फरार भाऊ ३) चांगदेव सोपान जाधव यांनी दुचाकी वाहना वरुन गुन्हा केला असल्याचे व फिर्यादी यांची माहीती हि सुभाष यांनी काढुन दिली असल्याचे सांगीतले तसेच त्यांच्या घराची झडती घेतली असता त्यांचे घरात चोरीस गेलेले स्वाक्षरी केलेले चेक बुक व चोरीत वापरलेली विना क्रं ची अपाची मोटार सायकल मिळुन आली व त्यांनी चोरी केलेली दोन लाख सात हजार रुपये हि रक्कम हि या पुर्वीच्या उधारी देण्याकरीता १) गणेश लोणारे रा.कापुरवाडी यांना ३०,०००/- रुपये व २) दिलीप कु-हे रा.राघु हिवरे ता. पाथर्डी यांना १,७५,०००/- असे एकुण २,०५,०००/- रुपये या पुर्वीच्या उधारीचे दिले असल्याचे तपासात निष्पन्न झाल्याने सदरची रक्कम हि त्यांचे कडुन हस्तगत केली आहे,यातील फरार चांगदेव याचा पोलीस शोध घेत आहोत,सदर गुन्ह्याचा पुढील तपास हा पोसई मनोज कचरे हे करीत आहेत.सदरची कारवाई मा.पोलीस अधिक्षक श्री.राकेश ओला,उपविभागीय पोलीस अधिकारी श्री.अनिल कातकाडे यांचे मार्गदर्शनाखाली पोलिस निरीक्षक संपतराव शिंदे,गुन्हे शोध पथकाचे पोसई/मनोज कचरे,पोहेकाँ /गणेश धोत्रे, पोना/योगेश भिंगारदिवे,पोना/रियाज इनामदार,पोना/ योगेश खामकर,पोकाँ /अमोल गाढे,पोकॉ /सुजय हिवाळे,पोहेकाँ/शरद वाघ,पोकॉ/संदीप थोरात,पोकों / सोमनाथ राउत यांनी केली आहे.
