कर्जत युवक हल्याप्रकरणी आणखी ८ आरोपी पोलिसांच्या ताब्यात, एकूण १४ आरोपी अटकेत

कर्जत (प्रतिनिधी) : दि ७
कर्जत युवक हल्याप्रकरणी रविवारी ८ आरोपीना कर्जत पोलिसांनी ताब्यात घेत अटक केली. या हल्ल्यात एकूण १४ आरोपी अटक करण्यात आले असून यापैकी २ आरोपी अल्पवयीन असल्याची माहिती पोलीस उपअधीक्षक अण्णासाहेब जाधव आणि पोलीस निरीक्षक चंद्रशेखर यादव यांनी दिली.
गुरुवारी संध्याकाळी कर्जत येथील सनी पवार या युवकांवर हल्ला झाला होता. याप्रकरणी कालपर्यंत ६ आरोपी अटक करण्यात आले होते. रविवारी याच प्रकरणी कर्जत पोलिसांनी आणखी ८ आरोपीना ताब्यात घेतले. यामध्ये शाहरुख पठाण, इलाही शेख, आकीब सय्यद, टिपू पठाण, साहिल पठाण, हर्षद पठाण, निहाल पठाण तर विधीसंघर्ष बालक यांचा समावेश आहे. यासर्वांवर कर्जत गु.र.नं ५४९/२०२२ भा.द.वि-३०७, १४३, १४७, १४८, १४९, ३२३, ५०४, ५०५ (२) सह अनुसूचित जाती व अनुसूचित जमाती अत्याचार प्रतिबंध अधिनियम १९८९ चे सुधारणा अधिनिमय सन २०१५ चे कलम- ३(१)(r),३(१)(s), ३(२) (va), ३(२) (५) सह आर्म अॅक्ट ४/२५ प्रमाणे दाखल गुन्हा दाखल करण्यात आला आहे. सदरची कारवाई पोलीस अधीक्षक अहमदनगर, अपर पोलीस अधीक्षक सो, पोलीस उपअधीक्षक अण्णासाहेब जाधव यांचे मार्गदर्शनाखाली पोलीस निरीक्षक, चंद्रशेखर यादव, स.पो.नि.सतिष गावीत, पोसई अमरजित मोरे, पोसई भगवान शिरसाठ, पोसई अनंत सालगुडे, पो.ना. संतोष धांडे, शाम जाधव, ईश्वर माने, सचिन वारे, देवा पळसे, अमित बरडे, मनोज लातुरकर यांनी केली. गुन्ह्याचा पुढील तपास अण्णासाहेब जाधव उपविभागीय पोलीस अधिकारी कर्जत विभाग कर्जत हे करीत आहेत.