अंगणवाडी सेविकेच्या खुनाच्या गुन्हयातील आरोपी स्थानिक गुन्हे शाखेने केला जेरबंद

अहिल्यानगर दि. 25 ऑक्टोबर (प्रतिनिधी )प्रस्तुत बातमीची हकिगत अशी की, दिनांक 24/10/2024 रोजी फिर्यादी महेश विठ्ठल पवार, वय 40, रा.चिचोंडी पाटील, ता.अहिल्यानगर यांच्या पत्नी चिचोंडी पाटील येथे अंगणवाडी सेविका म्हणुन काम करतात.फिर्यादीच्या पत्नी या अंगणवाडीमधुन घरी आल्या नाहीत म्हणुन फिर्यादी यांनी आसपास शोध घेतला परंतु त्या मिळून न आल्याने म्हणुन त्यांनी अंगणवाडीचे कुलूप तोडून पाहिले असता अंगणवाडीमध्ये मयत यांच्या वस्तु व रक्ताचे डाग दिसुन आले.याबाबत अहिल्यानगर तालुका पोलीस ठाणे गु.र.नं. 806/2024 बीएनएस कलम 140 (1) प्रमाणे अपहरणाचा गुन्हा दाखल करण्यात आलेला आहे.
घडलेल्या गंभीर घटनेची माहिती मिळाल्यानंतर तात्काळ मा. श्री.राकेश ओला साहेब, पोलीस अधिक्षक अहिल्यानगर व मा.श्री.प्रशांत खैरे साहेब, अपर पोलीस अधीक्षक, अहिल्यानगर यांनी स्वत: घटनाठिकाणी भेट देऊन, आरोपीचा शोध घेऊन गुन्हा उघडकीस आणणेबाबत यांनी पोनि/श्री.दिनेश आहेर, स्थानिक गुन्हे शाखा याचे अधिपत्याखालील तपास पथक तयार करण्यात आले.
नमुद आदेशा प्रमाणे पोनि/श्री. दिनेश आहेर, स्थानिक गुन्हे शाखा, अहिल्यानगर यांनी स्थानिक गुन्हे शाखेतील सपोनि/ हेमंत थोरात व पोलीस अंमलदार बबन मखरे, फुरकान शेख, शरद बुधवंत, सोमनाथ झांबरे, संतोष खैरे, भाऊसाहेब काळे, प्रशांत राठोड, अमोल कोतकर, चंद्रकात कुसळकर तसेच विजय ठोंबरे, हदय घोडके, मेघराज कोल्हे नेम.तपास पथक अहमदनगर अशांचे पथक नेमुण गुन्ह्यातील आरोपींची माहिती व शोध घेणेबाबत सुचना व मार्गदर्शन केले.
दिनांक 24/10/2024 रोजी तपास पथकाने गुन्हयाचे तपासात तात्काळ घटनाठिकाणी भेट देवुन, तांत्रीक विश्लेषणाच्या आधारे संशयित आरोपी नामे सुभाष बंडू बर्डे, वय 25, रा.कुक्कडवेढे, ता.राहुरी हल्ली रा.चिचोंडी पाटील, ता.अहिल्यानगर यास निष्पन्न करून ताब्यात घेतले. पथकाने आरोपीस विश्वासात घेऊन गुन्हयांचे अनुषंगाने विचारपुस करता मयत महिलेने आरोपीस त्याचे मुलीचे पोषण आहाराचे साहित्य घेण्यासाठी अंगणवाडीमध्ये बोलविले असता, मयत महिलेस एकटे पाहुन आरोपीने तिचेवर बलात्कार करण्याचा प्रयत्न केला असता मयताने त्यास विरोध केल्याने, आरोपीने तिचे डोके भिंतीवर आदळले त्यात महिला बेशुध्द पडून जागीच मयत झाली. त्यानंतर आरोपीने महिलेचा मृतदेह पुरावा नष्ट करण्याच्या उद्देशाने अंगणवाडी शेजारील नदीचे पात्रात टाकुन दिलेबाबत माहिती सांगीतली आहे.
ताब्यातील आरोपीस गुन्ह्याचे तपासकामी अहिल्यानगर तालुका पोलीस स्टेशन येथे हजर करण्यात आले असून गुन्हयाचा पुढील तपास अहिल्यानगर तालुका पोलीस स्टेशन हे करीत आहे.
सदरची कारवाई मा. श्री. राकेश ओला साहेब, पोलीस अधीक्षक, अहिल्यानगर, श्री. प्रशांत खैरे साहेब, अपर पोलीस अधिक्षक, अहिल्यानगर, मा. श्री. संपतराव भोसले साहेब, उपविभागीय पोलीस अधिकारी, नगर ग्रामीण विभाग, यांचे सुचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.