पाथर्डी व अहमदनगर परिसरात दिवसा घरफोडी करणारे आरोपी मुद्देमालासह जेरबंद 2 गुन्ह्यांची उकल स्थानिक गुन्हे शाखेची कारवाई

अहमदनगर दि.2 ऑक्टोबर (प्रतिनिधी )
प्रस्तुत बातमीची हकिगत अशी की, फिर्यादी श्री. सोमनाथ म्हातारदेव घुले वय 35, रा. शेकटे, ता. पाथर्डी हे दिनांक 27/09/23 रोजी घरा बाहेर गेले, असताना अनोळखी आरोपींनी बंद घराचे कुलूप तोडून घरात प्रवेश करुन 70,000/- रुपये किंमतीचे मनी मंगळसुत्र व रोख रक्कम चोरुन नेली याबाबत पाथर्डी पो.स्टे.गु.र.नं. 1006/23 भादविक 454, 380 प्रमाणे घरफोडीचा गुन्हा दाखल करण्यात आला होता.
घरफोडीची घटना घडल्यानंतर मा. श्री. राकेश ओला साहेब, पोलीस अधीक्षक अहमदनगर यांनी पोनि/श्री. दिनेश आहेर, स्थानिक गुन्हे शाखा, अहमदनगर यांना स्थानिक गुन्हे शाखेतील पोलीस अधिकारी व अंमलदार यांचे पथक नेमुन ना उघड घरफोडीचे गुन्ह्यातील आरोपींचा शोध घेवून गुन्हा उघडकिस आणणे बाबत आदेशित केले होते.
नमुद आदेशान्वये पोनि/श्री. दिनेश आहेर यांनी स्थानिक गुन्हे शाखेतील सपोनि/हेमंत थोरात, सफौ/भाऊसाहेब काळे, देवेंद्र शेलार, पोना/रविंद्र कर्डीले, संतोष खैरे, पोकॉ/भाऊसाहेब काळे, अमोल कोतकर, सागर ससाणे, बाळासाहेब खेडकर, प्रशांत राठोड व चापोहेकॉ/उमाकांत गावडे अशा पोलीस अधिकारी व अंमलदार यांचे पथक नेमुन रेकॉर्डवरील आरोपींची माहिती घेवुन मिळुन आल्यास कारवाई करणे बाबत मार्गदर्शन करुन पथकास रवाना केले होते. पथक चिचोंडी पाटील, ता. नगर परिसरात रेकॉर्डवरील आरोपींची माहिती घेताना काही संशयीत इसम पोलीस पथकास पाहुन पळु लागले पथकाने संशयीतांचा पाठलाग करुन त्यांना शिताफीने ताब्यात घेतले. ताब्यात घेतलेल्या संशयीतांना पोलीस पथकाची ओळख सांगुन त्यांचे नाव गांव विचारले असता त्यांनी त्यांची नावे 1) रोहित नादर चव्हाण वय 21, रा. चिचोंडी पाटील, ता. नगर व 2 विधीसंघर्षीत बालक असे सांगितले. त्यांची अंगझडती घेता त्यांचे अंगझडतीत सोन्याचे दागिने व रोख रक्कम मिळुन आली त्या बाबत विचारपुस करता आरोपी रोहित चव्हाण याने अल्पवयीन साथीदारासह शेकटे, पाथर्डी व सावेडी नाका, अहमदनगर येथे बंद घराचे कुलूप तोडुन चोरी केल्याची कबुली दिली.
आरोपींनी दिलेल्या कबुलीचे अनुषंगाने पथकाने जिल्हा गुन्हे अभिलेख पडताळणी करता खालील प्रमाणे 2 घरफोडीचे गुन्हे दाखल असले बाबत माहिती प्राप्त झाली आहे.
अ.क्र. पोलीस स्टेशन गु.र.नं. व कलम
1. पाथर्डी 1006/23 भादविक 454, 380
2. तोफखाना 1429/23 भादविक 454, 380
आरोपींनी दिलेल्या कबुलीचे अनुषंगाने वरील प्रमाणे 2 गुन्हे उघडकिस आले असुन आरोपींचे कब्जातुन 1,00,000/- रुपये किंमतीचे 2 तोळे वजनाचे मनीमंगळसुत्र व 10,500/- रुपये रोख असा एकुण 1,10,500/- रुपये किंमतीचा मुद्देमाल मिळुन आल्याने आरोपी व त्यांचे 2 अल्पवयीन साथीदारांना ताब्यात घेवुन तोफखाना पोलीस स्टेशन येथे हजर केले आहे. पुढील तपास तोफखाना पो.स्टे.करीत आहे.
आरोपी नामे रोहित नादर चव्हाण हा सराईत गुन्हेगार असुन त्याचे विरुध्द अहमदनगर, बीड व छत्रपती संभाजीनगर जिल्ह्यात खुनाचा प्रयत्न, दरोडा, जबरी चोरी, घरफोडी असे गंभीर स्वरुपाचे एकुण-7 गुन्हे दाखल आहेत ते खालील प्रमाणे –
अ.क्र. पोलीस स्टेशन गु.र.नं. व कलम
1. नगर तालुका 433/2018 भादविक 395, 427
2. अंभोरा, बीड 154/2018 भादविक 457, 380
3. फुलंब्री, संभाजीनगर 331/2020 भादविक 454, 380
4. बिडकीन, संभाजीनगर 38/2021 भादविक 307, 324, 323
5. कोतवाली 1053/2022 भादविक 395
6. नगर तालुका 806/2022 भादविक 392, 34
7. संगमनेर शहर 1063/2022 भादविक 395
सदर कारवाई मा. श्री. राकेश ओला साहेब, पोलीस अधीक्षक, अहमदनगर, श्रीमती. स्वाती भोर मॅडम, अपर पोलीस अधीक्षक, श्रीरामपूर व मा. श्री. सोमनाथ वाघचौरे साहेब, उपविभागीय पोलीस अधिकारी, संगमनेर विभाग यांचे सुचना व मार्गदर्शना खाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.