रतन बनसोडे हे नाशिक पदवीधर मतदार संघाचे उमेदवार नसून ते श्रद्धेय ऍड. बाळासाहेब आंबेडकरांचे प्रतिनिधी आहेत: ऍड सर्वजित बनसोडे

अहमदनगर दि.२२ जानेवारी (प्रतिनिधी) रतन बनसोडे हे वंचित बहुजन आघाडीचे नाशिक पदवीधर मतदार संघाचे उमेदवार नसून ते वंचित बहुजन आघाडीचे राष्ट्रीय नेते श्रद्धेय ऍड. बाळासाहेब आंबेडकरांचे प्रतिनिधी आहेत. असे प्रतिपादन वंचित बहुजन आघडीचे राज्य उपाध्यक्ष ऍड.सर्वजित बनसोडे यांनी प्रमुख मार्गदर्शक म्हणून केले.
नाशिक पदवीधर मतदार संघाची निवडणूक ३० जानेवारी रोजी होत आहे.नाशिक पदवीधर मतदार संघाचे वंचित बहुजन आघाडीचे उमेदवार रतन कचरू बनसोडे यांचा प्रचार मेळावा नुकताच येथील माऊली सांस्कृतिक हॉल येथे घेण्यात आला. यावेळी ते बोलत होते.यावेळी उमेदवार रतन कचरू बनसोडे,राज्य युवा आघाडीचे चेतन गांगुर्डे, उत्तर महा.विभाग अध्यक्ष शरद खरात,उप अध्यक्ष संतोष गलांडे, अहमदनगर जिल्हा निरीक्षक डॉ.सुरेश शेळके, जेष्ठ सल्लागार जीवन हरी पारधे,जिल्हा अध्यक्ष प्रतीकभाऊ बारसे,जिल्हा महासचिव योगेश साठे,युवा जिल्हा अध्यक्ष संतोष जठार,उपाध्यक्ष विनोद गायकवाड,नगर तालुका अध्यक्ष मारुती पाटोळे,तालुका महा सचिव रवी जाधव,शहर जिल्हा उपाध्यक्ष प्रवीण ओरे, अमर निरभुवणे,आकाश डागवाले, शहर जिल्हा सचिव भाऊ साळवे,भिंगार उपाध्यक्ष बबलू भिंगारदिवे,विकास गायकवाड,विशेषकुमार सिंग,जिल्हा महिला समन्वयक धनश्रीताई शेंडगे आदी प्रमुख पदाधिकारी उपस्थित होते. यावेळी बोलताना ऍड.बनसोडे म्हणाले,मला माहित आहे आपल्यापैकी किती मतदार आहेत.किती नाही.पण या बैठकीचा उद्देश सर्व पदवीधर मतदारापर्यंत पोहचणे हा आहे.उमेदवार रतन बनसोडे यांच्या माध्यमातून ऍड.बाळासाहेब आंबेडकरांची ताकद वाढणार आहे.नगर जिल्ह्यातील राजकारण नेहमी साखर सम्राटांच्या अवती भोवती फिरत असते.त्यांची सत्ता आणि संपत्तीची मस्ती जिरविण्याची ताकद आपल्या मतामध्ये आहे.म्हणूनच नाशिक पदवीधर मतदार संघाचे वंचित बहुजन आघडीचे उमेदवार रतन कचरू बनसोडे यांनी 1 नंबरचा पसंती क्रमांक देऊन येत्या 30जानेवारीला त्यांना प्रचंड बहुमताने निवडून देण्याचे आवाहन यावेळी त्यांनी केले. मेळाव्याचे आभार प्रदर्शन जिल्हा महासचिव योगेश साठे यांनी केले.