देशस्तंभ ऑनलाईन न्यूज नेटवर्क : अहिल्यानगर: कोतवाली पोलिसांना 11 लाखांचा गुटखा व पान मसाला पकडण्यात यश आले आहे. याबाबत दोन जणांना कोतवाली पोलिसांनी ताब्यात घेतले आहे. या कारवाईची सविस्तर माहिती अशी की,
दि. 14/07/2025 रोजी दुपारी 1 वा. पोलीस निरीक्षक श्री.प्रताप दराडे यांना गुप्त बातमी दारा मार्फत माहिती मिळाली की, अहिल्यानगर शहरात कोतवाली पोलीस स्टेशन हद्दीत एक चारचाकी वाहन हे महाराष्ट्र राज्यात प्रतिबंधीत असलेला गुटखा व पानमसाला अवैद्यरित्या विक्री करणे करीता घेवुन येणार आहे अशी माहिती मिळाल्याने तात्काळ पोलीस निरीक्षक प्रताप दराडे यांचे आदेशाने पोलीस उपनिरीक्षक/कृष्णकुमार सेदवाड हे पोलीस स्टाफ, दोन पंच व सुरक्षा अधिकारी राजेश नामदेवराव बडे यांचेसह सदर चारचाकी वाहनाचा शोध घेत असतांना आंबेडकर पुतळ्यासमोर, मार्केट यार्ड चौक, अहिल्यानगर येथे एक चारचाकी वाहन थांबविले असता सदर वाहन चालक हा वाहन घेवुन पळुन जात असतांना आंबेडकर पुतळ्यासमोर, मार्केट यार्ड चौक, अहिल्यानगर येथे ठिक दुपारी 3.20 वा. छापा टाकला असता सदर चारचाकी वाहनात दोन इसम दिसुन आले. त्यावेळी सदर दोन्ही इसमांना त्यांचे नाव गाव विचारले असता त्यांनी त्यांचे नाव- 1) जुबेर वाहीद जौहर शेख, वय- 31 वर्षे, रा.प्लॅट नं.4, बिल्डींग A- 3, ब्रम्ह इस्टेट, CHS, कोंढवा खुर्द, पुणे, मो.नं.8793100421, 2) शंकर विलास नेटके, वय- 22 वर्षे, रा.वारुळाचा मारुती, नालेगाव, अहिल्यानगर असे असल्याचे सांगितले. त्यावेळी पोलीस उपनिरीक्षक/कृष्णकुमार सेदवाड यांनी पोलीस स्टाफ, दोन पंच व सुरक्षा अधिकारी राजेश नामदेवराव बडे अशांची ओळख सांगुन त्यांना झडतीचा उद्देश समजावुन सांगुन सदर चारचाकी वाहनाची व सदर दोन्ही इसमांची झडती घेतली असता त्यांचे ताब्यात एकुण – 11,07,550/- रुपये किंमतीचा मुद्देमाल मिळुन आल्याने सदर मुद्देमाल पोलीस उपनिरीक्षक कृष्णकुमार सेदवाड यांनी पंचासमक्ष जागीच जप्त केला आहे. सदरचा जप्त मुद्देमाल व दोन्ही आरोपी यांना पुढील कारवाई करणेकरीता कोतवाली पोलीस स्टेशनला आणले असुन पोकॉ/2464 महेश सुभाष पवार यांचे फिर्यादी वरुन त्यांचेविरुध्द कोतवाली पोलीस स्टेशन, अहिल्यानगर गु.र.नं. 654/2025 भारतीय न्याय संहिता 2023 चे कलम- 123, 223, 274, 275 सह अन्न सुरक्षा आणि मानके कायदा 2006 चे कलम- 26, 27, 59 प्रमाणे गुन्हा दाखल करण्यात आला असुन सदर गुन्ह्याचा तपास पोलीस उपनिरीक्षक/कृष्णकुमार सेदवाड हे करित आहेत.
सदरची कारवाई ही मा.पोलीस अधिक्षक सोमनाथ घार्गे , अपर पोलीस अधिक्षक वैभव कलुबर्मे , उपविभागीय पोलीस अधिकारी अहिल्यानगर शहर विभाग अमोल भारती यांचे मार्गदर्शनाखाली पोलीस निरीक्षक प्रताप दराडे, गुन्हे शोध पथकाचे पोसई/कृष्णकुमार सेदवाड, पोहेकॉ/बाळकृष्ण दौंड, विशाल दळवी, सलीम शेख, विनोद बोरगे, सुर्यकांत डाके, विजय काळे, पोकॉ/अभय कदम, सत्यजीत शिंदे, अमोल गाडे, अतुल काजळे, सोमनाथ केकाण, महेश पवार, शिरीष तरटे, सचिन लोळगे, दत्तात्रय कोतकर, प्रतिभा नागरे, दक्षिण मोबाईल सेलचे पोकॉ/राहुल गुंडु यांचे पथकाने केली आहे.
बातमी शेअर करणायसाठी येथे क्लिक करा
