जन सामान्य माणसाशी नाळ जोडलेला जनतेचा सेवक पुन्हा मैदानात..! समाजसेवेची ओळख असलेले एक नाव..वार्ड क्र.९ मध्ये अजय साळवे पुन्हा निवडणुकीच्या रणांगणात

देशस्तंभ ऑनलाईन न्यूज नेटवर्क :अहिल्यानगर (प्रतिनिधी):-अहिल्यानगर महानगरपालिकेच्या वार्ड क्रमांक ९ मध्ये येणाऱ्या महानगरपालिका निवडणुकीच्या पार्श्वभूमीवर पुन्हा एकदा राजकीय वातावरण तापले आहे.या पार्श्वभूमीवर माजी नगरसेवक अजय साळवे यांनी या वार्डातून निवडणुकीच्या रिंगणात उतरण्याचा निर्णय घेतल्याने चर्चांना ऊत आला आहे.सामाजिक कार्यात नेहमीच अग्रेसर राहिलेले अजय साळवे यांनी नगरसेवक नसतानाही नागरिकांच्या प्रश्नांसाठी लढा दिला.जनतेच्या अडचणींचे निराकरण करण्यासाठी त्यांची धडपड कायम दिसून आली आहे. यामुळेच ते केवळ राजकारणी नसून, ‘सामाजिक कार्यकर्ते’ म्हणून नागरिकांच्या मनात घर करून बसले आहेत.अजय साळवे यांच्या प्रयत्नांनी आणि आमदार संग्राम भैया जगताप यांच्या आमदार निधीतून वार्ड क्रमांक ९ मध्ये अनेक महत्त्वपूर्ण विकासकामे पूर्ण झाली आहेत.प्रमुख कामांमध्ये रस्ते काँक्रीट व ड्रेनेज लाईनचे काम,स्ट्रीट लाईट व पाणीपुरवठा सुविधा,अंगणवाडी,शाळा,मंदिर परिसरांचे सुशोभीकरण,आरोग्य व स्वच्छता अभियानांत सक्रिय सहभाग या कामांमुळे वार्डातील नागरिकांनी साळवे यांच्या कार्यशैलीचा अनुभव घेतला असून, त्यांच्याबद्दल विश्वासाचे नाते अधिक घट्ट झाले आहे.वार्डातील नागरिकांचे म्हणणे आहे की, “अजय साळवे नगरसेवक नसतानाही नेहमी उपलब्ध राहतात.कोणतीही अडचण सांगितली की तत्काळ प्रतिसाद देतात.अशा प्रामाणिक व्यक्तीला पुन्हा संधी मिळालीच पाहिजे.”नागरिकांमधील या जनाधारामुळे साळवे यांची उमेदवारी अधिक बळकट होताना दिसत आहे.अजय साळवे म्हणाले, “मी राजकारणात सत्ता किंवा पदासाठी नाही, तर समाजसेवेसाठी आलो आहे.वार्ड क्रमांक ९ हा माझा कुटुंब आहे. नागरिकांचा विश्वास आणि आमदार संग्राम भैया जगताप यांचे मार्गदर्शन घेऊन विकासाची नवी पातळी गाठणार आहोत.”त्यांच्या या आत्मविश्वासपूर्ण वक्तव्यामुळे समर्थकांमध्ये नवी ऊर्जा आणि उमेद निर्माण झाली आहे.वार्ड क्रमांक ९ मध्ये अजय साळवे यांच्या पुनरागमनामुळे स्थानिक राजकारणात नवा रंग भरला आहे. विकासाची दिशा आणि नागरिकांच्या समस्यांबद्दल संवेदनशील दृष्टी ठेवणारे साळवे हे “जनतेचे प्रतिनिधी” म्हणून ओळखले जातात.आगामी निवडणुकीत त्यांच्या पुनरागमनाकडे संपूर्ण शहराचे लक्ष लागले आहे.