परीटवाडी शिवारात वृद्ध महिलेचा खून

कर्जत प्रतिनिधी : दि १० फेब्रुवारी
कर्जत तालुक्यातील परीटवाडी शिवारात एका ७५वर्षीय वृद्धेच्या डोक्यात दगड घालून खून करण्यात आला आहे.
पोलीस सूत्रांनी दिलेल्या माहितीनुसार, गुरुवार, दि.१० रोजी सकाळी सात वाजेच्या पूर्वी कर्जत तालुक्यातील परीटवाडी शिवारात एका ज्वारीच्या पिकात कमलाबाई चांगदेव वाघ (वय- ७५ रा.परीटवाडी ता.कर्जत) यांचा मृतदेह डोक्यात दगड घातलेल्या अवस्थेत मिळून आला. याबाबत कर्जत पोलीस ठाण्यात रामदास चांगदेव वाघ यांच्या फिर्यादीवरून खुनाचा गुन्हा दाखल करण्यात आला असून सदर घटनास्थळी श्वान पथकास पाचारण करण्यात आले होते. घटनास्थळाला अप्पर पोलीस अधीक्षक सौरभकुमार अग्रवाल,उपविभागीय पोलीस अधिकारी अण्णासाहेब जाधव, पोलीस निरीक्षक चंद्रशेखर यादव, सपोनि सतीश गावित, दिनकर मुंडे आदींनी भेट देत पुढील तपास सुरू केला आहे.