देशस्तंभ ऑनलाईन न्यूज नेटवर्क अहिल्यानगर : दि. 5 नोव्हेंबर (प्रतिनिधी)- रिपब्लिकन सेनेची जिल्हा आढावा बैठक सरसेनानी आनंदराज आंबेडकर यांच्या आदेशानुसार शासकीय विश्रामगृह येथे संपन्न झाली. या बैठकीत जिल्हा कार्यकारिणीची घोषणा करण्यात आली असून आगामी स्थानिक स्वराज्य संस्थांच्या निवडणुकांसाठी रणनीती ठरविण्यात आली.
या बैठकीला जिल्हाध्यक्ष सुनील शिंदे, जिल्हाप्रसिद्धी प्रमुख महेश भोसले, जिल्हा कार्याध्यक्ष बाळासाहेब वाघमारे, संजय ताकवाले, युवक जिल्हा अध्यक्ष अतुल भिंगारदिवे, पाथर्डी तालुका अध्यक्ष विलास गजभिव, तालुका संघटक मिलिंद सोनवणे, तालुका उपाध्यक्ष रामदास माळी, विलास पगारे, पोपट रोकडे, चंद्रकांत नरवडे, नगर शहर संघटक सन्नी माघाडे,शहर उपाध्यक्ष विवेक विधाते, महिला आघाडीच्या शहर अध्यक्षा सुनीता शिंदे, उपाध्यक्षा नेहा जावळे, वैशाली शिरसाठ, कविता कवडे, रूपाली आयंची आदींसह जिल्ह्यातील तसेच नगर शहरातील महिला आघाडी व युवक आघाडीचे पदाधिकारी मोठ्या संख्येने उपस्थित होते.
बैठकीदरम्यान बोलताना जिल्हाध्यक्ष सुनील शिंदे यांनी सांगितले की, येणाऱ्या जिल्हा परिषद व पंचायत समिती निवडणुकांसाठी प्रत्येक गण व गटातील इच्छुक उमेदवारांची यादी तयार करण्यात आली असून ती शिवसेना (शिंदे गट) जिल्हाध्यक्ष अनिल शिंदे व शहरप्रमुख सचिन जाधव यांना सादर केली जाणार आहे. रिपब्लिकन सेना आणि शिवसेना (शिंदे गट) यांच्या युतीतून अधिकाधिक उमेदवार निवडून आणण्यासाठी संयुक्त प्रचार मोहीम राबविण्याचा निर्णय बैठकीत घेण्यात आला.
शिंदे पुढे म्हणाले की, महानगरपालिका निवडणुकीसाठी देखील इच्छुक उमेदवारांची प्राथमिक यादी तयार करण्यात आली असून ती शिंदे गटाकडे देण्यात येणार आहे. सर्व पदाधिकाऱ्यांनी आगामी निवडणुकांच्या पार्श्वभूमीवर जनसंपर्क व प्रचाराची तयारी तातडीने सुरू करावी, अशा सूचना देण्यात आल्या. बैठकीत सामाजिक बांधिलकीच्या दृष्टीनेही महत्त्वाचा निर्णय घेण्यात आला. नगर शहरातील घरकुल योजनेपासून वंचित असलेल्या गोरगरीब नागरिकांना घर मिळवून देण्यासाठी रिपब्लिकन सेना पुढाकार घेणार आहे. या संदर्भात सरसेनानी आनंदराज आंबेडकर, शिवसेना जिल्हाध्यक्ष अनिल शिंदे आणि शहरप्रमुख सचिन जाधव यांच्या समवेत माजी मुख्यमंत्री तथा उपमुख्यमंत्री एकनाथ शिंदे यांची भेट घेऊन घरकुल संदर्भात अडचणी मांडण्यात येणार असल्याचे जिल्हाध्यक्षांनी सांगितले. या बैठकित जिल्हा संघटक सामाजिक कार्यकर्ते संजय ताकवले, युवा संघटक मेहेर कांबळे, पार्थडी तालुका प्रसिद्धी प्रमुख अमोल जाधव आदींची निवड करण्यात आली. यावेळी दरेवाडी जिल्हा परिषद गटातील इच्छुक उमेदवार श्रेयस भिंगारदिवे, मेहेर कांबळे, नागरदेवळे गटातील पगारे यांनी आपल्या भावना व्यक्त केल्या.
या बैठकीत आगामी निवडणुका लक्षात घेता रिपब्लिकन सेना आणि शिवसेना (शिंदे गट) युती मजबूत करण्यावर भर देण्यात आला.
बातमी शेअर करणायसाठी येथे क्लिक करा
