तिरट जुगार खेळणा-या इसमांवर भिंगार कॅम्प पोलीसांचा छापा!
अहमदनगर दि. 23 मार्च (प्रतिनिधी )
दिनांक 22/03/2024 रोजी कॅम्प् पोलीस स्टेशनचे सपोनि योगेश राजगुरु यांना गोपनिय माहिती मिळाली की, भिंगार शहरातील भिमनगर कमानीजवळ एका पत्रयाचे शेडच्या आडोशाला काही इसम हे एकत्र बसुन पैशांवर तिरट नावाचा हारजितीचा जुगार खेळत आहेत आता गेल्यास मिळुन येतील अशी खात्रीलायक माहिती मिळाल्याने सपोनि राजगुरु यांनी तात्काळ कॅम्प् पोलीस स्टेशनचे तपास पथकातील अंमलदारांना बातमीतील नमुद ठिकाणी जावुन कारवाई करण्याचे आदेशीत केल्याने पथकातील अंमलदार यांनी बातमीतील नमुद ठिकाणी जावुन खात्री केली असता तेथे पाच इसम हे गोलाकार एकत्र बसुन जुगार खेळत असल्याचे तपास पथकाच्या निदर्शनास आल्यानंतर पथकाने छापा टाकुन पाच इसमांना जागीच पकडुन त्यास त्यांचे नाव गाव पत्ता विचारला असता त्यांनी त्यांची नावे 1. आदेश संभाजी भिंगारदिवे वय-43 वर्षे भिमनगर, भिंगार अहमदनगर 2. प्रणव सुनिल पंचमुख् वय-27 वर्षे रा. डॉ बाबासाहेब आंबेडकर कॉलनी, भिंगार अहमदनगर 3. आशिष प्रदिप काळे वय-24 वर्षे रा. रंगारगल्ली भिंगार अहमदनगर 4. योगेश प्रकाश चव्हाण वय-31 वर्षे रा कैंटोमेंटचाळ, भिंगार अहमदनगर 5. किशोर काशिनाथ साळवे वय-22 रा कैंटोमेंटचाळ भिंगार अहमदनगर असे असल्याचे सांगीतले. त्यांच्याकडुन गुन्हयातील एकुन 96800/-रु किंमतीचा मुददेमाल जप्त करण्यात आला असुन वरील पाच
इसमांवर गुन्हा रजिस्टरी दाखल करण्यात आला आहे. सदरची कारवाई राकेश ओला पोलीस अधिक्षक, अहमदनगर, प्रशांत खैरे अपर पोलीस अधिक्षक, अहमदनगर, अमोल भारती, उपविभागीय पोलीस अधिकारी नगर शहर विभाग, अहमदनगर, यांचे मार्गदर्शनाखाली प्रभारी अधिकारी योगेश राजगुरु, पथकातील पोलीस अंमलदार संदिप घोडके, दिपक शिंदे, संदिप थोरात, कैलास शिरसाठ यांच्या पथकाने केली आहे.
