पीपल्स रिपब्लिकन पार्टीच्या वतीने मनपा आयुक्त यांना निवेदन उड्डाणपूला जवळील पोस्ट ऑफिस समोर असणाऱ्या चौकास विश्वरत्न डॉ. बाबासाहेब आंबेडकर नाव देण्याची मागणी अन्यथा पीपल्स रिपब्लिकन पार्टी नामांतरासाठी घेणार पुढाकार

अहमदनगर (प्रतिनिधी)- शहरातील उड्डाणपूला जवळील पोस्ट ऑफिस येथिल चौकाला पहिल्यापासूनच विश्वरत्न डॉ. बाबासाहेब आंबेडकर यांचे नाव आहे. व त्या नावाचा बोर्ड हा अहमदनगर मनपाच्या मार्फत लावण्यात आला होता. परंतु उड्डाणपुलाच्या कामामुळे सदरचा फलक हटवण्यात आला होता आता पुलाचे काम पूर्ण झाले आहे या पोस्ट ऑफिस चौकास विश्वरत्न डॉ बाबासाहेब आंबेडकर यांचे नाव द्या तसेच उड्डाणपुलाखाली उभारण्यात आलेल्या उद्यानाला देखील महामानव डॉ.बाबासाहेब आंबेडकर यांचे नाव देण्याची मागणी पीपल्स रिपब्लिकन पार्टी च्या वतीने करण्यात आली आहे. सदर मागणीचे निवेदन मनपा आयुक्त डॉ.पंकज जावळे याना देताना पीपल्स रिपब्लिकन पार्टीचे जिल्हाध्यक्ष सुमेध गायकवाड समवेत सोमा शिंदे, महेश भोसले, गौतमीताई भिंगारदिवे, नितिन कसबेकर, अनिल शेकटकर, संतोष नवसुपे, विशाल गायकवाड, सुरेश भिंगारदिवे, किरण जाधव, स्वप्निल भिंगारदिवे, भगवान साळवे, हिरा भिंगारदिवे, मीरा गवळी, रंजना भिंगारदिवे, रेखा डोळस, सुनिता भिंगारदिवे, लता बर्डे आदीसह पक्षाचे पदाधिकारी उपस्थित होते. येत्या आठ दिवसात मागणी मान्य न झाल्यास पीपल्स रिपब्लिकन पार्टीच्या वतीने पोस्ट ऑफिस समोरील चौकात नामांतराचे फलक स्वखर्चाने लावू असा इशारा निवेदनाद्वारे देण्यात आले.