आज 10 रूग्णांना डिस्चार्ज तर नव्या 11 बाधितांची रुग्णसंख्येत भर

अहमदनगर दि.३१(प्रतिनिधी): जिल्ह्यात आज 10 रुग्णांना रुग्णालयातून डिस्चार्ज देण्यात आला. आता बरे झालेल्या रुग्णांची एकूण संख्या 3 लाख 87 हजार 362 इतकी झाली आहे. रुग्ण बरे होण्याचे जिल्ह्यातील प्रमाण हे आता 98.15 टक्के इतके झाले आहे. दरम्यान, आज जिल्हयाच्या रूग्ण संख्येत 11 ने वाढ झाल्याने उपचार सुरू असणाऱ्या रुग्णांची संख्या आता 94 इतकी झाली आहे.
जिल्हा रुग्णालयाच्या कोरोना टेस्ट लॅब मध्ये 05 खाजगी प्रयोगशाळेत केलेल्या तपासणीत 04 आणि अँटीजेन चाचणीत 02 रुग्ण बाधीत आढळले.
जिल्हा रुग्णालयाच्या कोरोना टेस्ट लॅब मध्ये बाधीत आढळून आलेल्या रुग्णामध्ये मनपा 01, नगर ग्रा. 02 आणि इतर जिल्हा 02 अशा रुग्णांचा समावेश आहे.
खाजगी प्रयोगशाळेत केलेल्या तपासणीत बाधित आढळून आलेल्या रुग्णामध्ये मनपा 02 आणि पाथर्डी 02 अशा रुग्णांचा समावेश आहे.
अँटीजेन चाचणीत आज 02 जण बाधित आढळुन आले. यात पारनेर 01 आणि शेवगाव 01 अशा रुग्णांचा समावेश आहे.
दरम्यान, आज डिस्चार्ज मिळालेल्या रुग्णामध्ये मनपा 02, नगर ग्रा.03, पारनेर 01, राहुरी 01, शेवगाव 02 आणि श्रीगोंदा 01 अशा रुग्णांचा समावेश आहे.