महापालिका जिल्हापरिषद निवडणूकीत पक्षाने दिलेल्या उमेदवारांना निवडून आणण्याची जबाबदारी राष्ट्रवादी सामाजिक न्याय विभाग व कार्यकर्त्यांची: सुरेश भाऊ बनसोडे

अहमदनगर दि.९(प्रतिनिधी) राष्ट्रवादी सामाजिक न्याय विभाग उत्तर महाराष्ट्र विभागीय कार्यकारिणीची बैठक नाशिक येथील कार्यालयात नुकतीच पार पडली.सदर बैठकीत नंदूरबार,धुळे,नाशिक,जळगाव,अहमदनगर व मालेगाव चे तालुकाध्यक्ष, जिल्हाध्यक्ष, शहराध्यक्ष व प्रदेश पदाधिकारी यांची उपस्थिती होती.यावेळी कार्यकर्ते व पदाधिकारी यांना राज्याचे प्रदेश अध्यक्ष मा.आ.जयदेव अण्णा गायकवाड,मा.पंडितजी कांबळे,मा.धनंजयजी निकाळे यांनी मार्गदर्शन केले.अहमदनगर शहराच्या वतीने सामाजिक न्याय विभाग शहर जिल्हाध्यक्ष मा.सुरेश भाऊ बनसोडे यांनी आमदारअरुण काका जगताप व आमदार संग्राम भैय्या जगताप यांच्या मार्गदर्शनाखाली पक्षाचे काम जोरदार सुरू असून येणाऱ्या महानगर पालिका व जिल्हापरिषद निवडणुकीत राष्ट्रवादीच्या जास्तीत जास्त उमेदवारांना पक्षाचे तिकीट उपलब्ध करून देण्याची मागणी सुरेश भाऊ बनसोडे यांनी या बैठकीत केली. तसेच पक्षाच्या उमेदवारी दिलेल्या उमेदवाराला निवडून आणण्याची जबाबदारी सामाजिक न्याय विभाग व राष्ट्रवादी काँग्रेसचे पदाधिकारी हे करतील असे सामाजिक न्याय विभागाचे शहर जिल्हाध्यक्ष सुरेश भाऊ बनसोडे यांनी आपल्या भाषणात सांगीतले.