देशस्तंभ ऑनलाईन न्यूज नेटवर्क : दि.29 नोव्हेंबर: अहिल्यानगर येथील मे राजन ट्रेडर्स यांचे कडून आरडगाव ता. राहुरी येथील हॉटेल माथेरान चे मालक जितेंद्र नामदेव झुगे यांने
उधारीवर विदेशी दारूची वेळोवेळी खरेदी केली होती. थकीत उधारीचे बाकी पोटी आरोपी यांने राजन ट्रेडर्स चे प्रोप्रायटर रमेश शिवराम सातपुते यांना धनादेश दिला होता.
आरोपीने दिलेला धनादेश वटला नाही फिर्यादी यांनी अहमदनगर येथील चिफ ज्युडिशियल मॅजिस्ट्रेट यांचे कोर्टात निगोशिएबल इंस्ट्रूमेंट्स ॲक्ट चे कलम 138 प्रमाणे फिर्याद दाखल केली. सदर केस ची पुढील सुनावणी अतिरिक्त
मुख्य न्यायदंडाधिकारी डी.डी. कर्वे यांचे समोर झाली. फिर्यादी कडून प्रोप्रायटर रमेश शिवराम सातपुते यांची साक्ष नोंदविण्यात आली. तसेच अवश्यक तो कागदोपत्री पुरावा दाखल करण्यात आला. फिर्यादिची गुणदोषावर सुनावणी होऊन आरोपी जितेंद्र नामदेव झुगे यास दोषी धरून त्याला परक्राम्य संलेख अधिनियम 1881 चे कलम 138 मध्ये दोषी धरून एक महिन्याची साधी कैद व रुपये एक लाख तेवीस हजार दंड अशी शिक्षा दिली आहे. तसेच दंड न भरल्यास पंधरा दिवस साधी कैद देण्यात आली आहे. आरोपीने दंडाची रक्कम कलम फिर्यादीस एक महिन्याच्या आत द्यावेत असा आदेश करण्यात आला आहे. फिर्यादी कडून व्यवस्थापक रमेश शिवराम सातपुते यांची साक्ष ग्राह्य धरण्यात आली. संस्थेकडून ॲड शिवाजी अण्णा कराळे , ॲड करुणा रामदास शिंदे व ॲड सत्यजीत शिवाजी कराळे ॲड. मोनाली बन्सी कराळे यांनी कामकाज पाहिले.
बातमी शेअर करणायसाठी येथे क्लिक करा
