देशस्तंभ ऑनलाईन न्यूज नेटवर्क : अहिल्यानगर : दि. 22 नोव्हेंबर : राहुरी विधानसभा मतदार संघाची जागा आमदार कर्डीले यांच्या निधनामुळे रिक्त झाली आहे. आम्ही रिपब्लिकन पार्टी ऑफ इंडिया च्या वतीने त्यांना भावपूर्ण श्रद्धांजली वाहतो. राहुरी विधानसभा पोट निवडणुकीच्या निमित्ताने राष्ट्रीय सरचिटणीस डॉ. गवई हे जिल्हा दौऱ्यावर होते. यावेळी अहिल्यानगर शहरात त्यांनी प्रसार माध्यमातून पत्रकारांशी संवाद साधला. यावेळी जिल्हा अध्यक्ष सुधाकर रोहम, शहर जिल्हा अध्यक्ष सुशांत म्हस्के, संपदा म्हस्के, ऍड. कार्तिक म्हस्के, बाळासाहेब मोकळ, विजय शिरसाठ, अजीम खान, सचिन शिंदे, सय्यद जमीर, महिला आघाडीच्या जिल्हा अध्यक्षा ज्योती पवार, आदीसह मोठया संख्येने कार्यकर्ते उपस्थित होते.
यावेळी बोलतांना डॉ. गवई म्हणाले, पोट निवडणूक केंद्रीय निवडणूक आयोगाच्या नियमानुसार 6 महिन्याच्या आत घेणे बंधन कारक आहे. महायुतीचे चित्र सध्या अस्पष्ट दिसत आहे. राहुरी विधानसभा पोट निवडणुकीत ही जागा रिपब्लिकन पार्टी ऑफ इंडिया याला सोडावी. मागच्या वेळेस आमच्या पक्षाला डावलले असल्याची खंत त्यांनी व्यक्त केली. आम्ही याबाबत इच्छुकांचे अर्ज मागविले आहेत. बौद्ध आणि बौद्धेतर सक्षम उमेदवार आम्ही देणार आहोत. आम्ही महाविकास आघाडीच्या पडत्या काळात महाविकास आघाडीला ताकद दिली आहे. आमच्या पक्षाला उमेदवारी दिली नाही तर ‘तुमको भी साथ लेके डुबगे सन्म’ वेळ पडल्यास स्वबळावर लढण्याची आमची भूमिका आहे. महाराष्ट्रात 90 ठिकाणी आम्ही काँग्रेस सोबत आहोत.
महाविकास आघाडीची मोठी ताकद होण्यासाठी इतर समविचारी घटक पक्ष सुद्धा एकत्रित घ्यावेत असे मत असल्याचे ते म्हणाले, आगामी अहिल्यानगर महानगर पालिकेच्या निवडणुकीसाठी आम्ही 7 ते 8 जागा मागणार आहोत. स्थानिक निवडणुकीत काही ठिकाणी महायुती बरोबर युती करून आमच्या उमेदवारांना निवडून आणण्यासाठी आम्ही प्रयत्न करीत आहोत. ज्या प्रभागात आमचा उमेदवार सक्षम आहे त्या ठिकाणी आम्ही तिकिटासाठी आग्रही आहोत. मतचोरी बाबत राज्य निवडणूक आयोगाचे कमिशनर दिनेश वाघमारे यांची भेट घेणार आहे.
महाविकास आघाडीने निवडणूक आयोगाला एकच कॉमन सिम्बॉल मागावा त्याचा निवडणुकीत फायदा होईल असे ते म्हणाले.
⭕ऍड. बाळासाहेब आंबेडकर यांना सर्वच रिपब्लिकन पक्षांचा राग :
वंचित बहुजन आघाडीचे नेते ऍड. बाळासाहेब आंबेडकर यांच्या विषयी बोलतांना ते म्हणाले, बाळासाहेब आंबेडकर हे सर्वच रिपब्लिकन पक्षावर टीका करतात राग करतात, रामदास आठवले, गवई, प्रा. कवाडे सर यांच्यावर टिका करतांना दिसतात. आपल्याच भावावर टिका करने ही कोणती मर्दानगी आहे? असा सवालही त्यांनी या निमित्ताने उपस्थित केला. रिपब्लिकन नेत्यांनी एकत्र येणे हे ठिक आहे. पण त्यांनी टिका करणे सोडून द्यावे असे आवाहनही त्यांनी केले.
बातमी शेअर करणायसाठी येथे क्लिक करा
