मिरजगांव येथील मोबाईल दुकान फोडणारे तीन अल्पवयीन मुले स्थानिक गुन्हे शाखेच्या ताब्यात!

अहमदनगर दि. ९ फेब्रुवारी (प्रतिनिधी) कर्जत तालुक्यातील स्थानिक गुन्हे शाखेने ताब्यात घेतले असल्याची माहिती पोलिस सूत्रांकडून मिळाली आहे.
प्रस्तुत बातमीची हकिगत अशी की, दिनांक 05/02/2023 रोजी रात्री फिर्यादी श्री.शेखर रामदास बनसोडे वय 29, धंदा मोबाईल शॉपी, रा. श्रीरामनगर, मिरजगांव, ता. कर्जत यांचे बावडकर कॉम्पप्लेक्स, मिरजगांव, ता. कर्जत येथील श्री. गणेश मोबाईल शॉपीचे छताचे पत्रे व पिओपी उचकटुन मोबाईल शॉपीमध्ये प्रवेश करुन विविध कंपनीचे व 1,86,000/- रु रकमेचे मोबाईल फोन, स्मार्ट वॉच व 1,88,000/- रुपये रोख असा एकुण 3,74,000/- हजार रुपये किंमतीचा माल अज्ञात इसमांनी घरफोडी चोरी करुन चोरुन नेला होता. सदर घटने बाबत फिर्यादी यांनी मिरजगांव, पोलीस स्टेशन येथे दिलेल्या फिर्यादी वरुन मिरजगांव पोलीस स्टेशन गु.र.नं.32/2023 भादविक 457, 380 प्रमाणे घरफोडीचा गुन्हा दाखल करण्यात आला होता.
सदर गुन्हा दाखल झाल्यानंतर मा. श्री. राकेश ओला साहेब, पोलीस अधिक्षक, अहमदनगर यांनी पोनि/श्री. अनिल कटके, स्थानिक गुन्हे शाखा, अहमदनगर यांना स्थानिक गुन्हे शाखेतील पोलीस अधिकारी व अंमलदार यांचे पथक नेमुन गुन्ह्याचा समातंर तपास करुन गुन्हा उघडकिस आणणे बाबत आदेश दिले होते.
नमुद आदेशान्वये पोनि/श्री. अनिल कटके यांनी स्थानिक गुन्हे शाखेतील पोहेकॉ/सुनिल चव्हाण, दत्तात्रय हिंगडे, संदीप पवार, बबन मखरे, संदीप घोडके, देवेंद्र शेलार, पोना/शंकर चौधरी, रवि सोनटक्के, पोकॉ/मेघराज कोल्हे व चापोहेकॉ/संभाजी कोतकर अशांना बोलावुन घेवुन सदर ना उघड गुन्ह्याचा तपास करुन गुन्हा उघडकिस आणणे बाबत सुचना देवुन पथकास रवाना केले. पथक मिरजगांव व कर्जत परिसरात फिरुन आरोपींची माहिती घेत असतांना पोनि/कटके यांना गुप्तबातमीदारा मार्फत माहिती मिळाली की, “केळसांगवी, ता. आष्टी, जिल्हा बीड येथील काही अल्पवयीन मुलांनी केला असुन आता गेल्यास मिळुन येईल”त्यावरुन पोनि/कटके यांनी सदर माहिती पथकास कळवुन स्थानिक पोलीस व पंचाना सोबत घेवुन खात्री करुन कारवाई करणे बाबत सुचना दिल्या.
पथकातील पोलीस अंमलदार यांनी स्थानिक पोलीस अंमलदार व पंचाना सोबत घेवुन बातमीतील नमुद ठिकाणी केळसांगवी, ता. आष्टी, जिल्हा बीड येथे जावुन अल्पवयीन मुलांचे ठावठिकाणा बाबत माहिती घेवुन गायरानवस्ती, केळसांगवी येथील तीन अल्पवयीन मुलांना ताब्यात घेवुन चौकशी करता ते समाधानकारक उत्तरे न देता उडवाउडवीची उत्तरे देवु लागले त्यांना अधिक विश्वासात घेवुन सखोल व बारकाईने विचारपुस करता त्यांनी सदरचा गुन्हा केल्याची कबुली देवुन घरा जवळील कोंबड्याचे खुराड्यात ठेवलेले गुन्ह्यातील 1,01,000/- रुपये रोख व 1,86,000/- रुपये किंमतीचे मोबाईल फोन व स्मार्टवॉच असा एकुण 2,87,000/- रुपये किंमतीचा मुद्देमाल काढुन दिल्याने सर्व मुद्देमाल हस्तगत करुन मिरजगांव पोलीस स्टेशनचे ताब्यात देण्यात आले आहे. पुढील कारवाई मिरजगांव पोलीस स्टेशन करीत आहे.
सदर कारवाई मा. श्री. राकेश ओला साहेब, पोलीस अधीक्षक, अहमदनगर, श्री. प्रशांत खैरे साहेब, अपर पोलीस अधिक्षक साहेब, अहमदनगर, मा. श्री. आण्णासाहेब जाधव साहेब, उपविभागीय पोलीस अधीकारी, नगर शहर विभाग यांचे सुचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.