देशस्तंभ ऑनलाईन न्यूज नेटवर्क : अहिल्यानगर : दि. 27 ऑक्टोबर: प्रस्तुत बातमीची हकीगत अशी की, मा. श्री सोमनाथ घार्गे साहेब, पोलीस अधीक्षक अहिल्यानगर यांनी स्थानिक गुन्हे शाखेस अहिल्यानगर जिल्ह्यामध्ये गोवंशीय जनावरांची कत्तल करणारे इसमांची माहिती काढुन कारवाई करणेबाबत आदेश दिलेले आहेत.
सदर आदेशानुसार स्थानिक गुन्हे शाखेचे पोलीस निरीक्षक श्री किरणकुमार कबाडी यांचे मार्गदर्शनाखालील स्थानिक गुन्हे शाखेतील पोउपनि/दिपक मेढे व पोलीस अंमलदार गणेश लोंढे, विष्णु भागवत, विशाल तनपुरे यांचे पथक तयार करुन अहिल्यानगर शहरामध्ये गोवंशीय जनावरांची कत्तल करणारे इसमांची माहिती काढुन कारवाई करणेबाबत सुचना व मार्गदर्शन करुन पथकास रवाना केले.
वर नमुद पथकाने दिनांक 26/10/2025 रोजी अहिल्यानगर शहरामध्ये झेंडीगेट परिसरात जावुन माहिती काढत असतांना पथकास झेडीगेट परिसरात लकी फ्रेश चिकन दुकानामध्ये गोवंशीय जनावरांची कत्तल करण्याचे उद्देशाने जिवंत जनावरे आणलेले असुन ते जनावरांचे कत्तल करणार असल्याची माहिती मिळाली. त्यानुसार पथकाने झेडीगेट येथे जावुन खात्री केली असता काही इसम लकी फ्रेश चिकन दुकानामध्ये गोवंशीय जनावरांचे कत्तल करतांना दिसुन आले. तेव्हा पथकाने सदर ठिकाणी छापा टाकण्यासाठी जात असतांना पोलीसांची चाहुल लागताच काही इसम तेथुन पळुन गेले. व काही इसमांना ताब्यात घेवुन त्यांचे नांव गांव विचारले असता त्यांनी त्यांचे नांवे 1) तोहिद नुर कुरेशी वय – 19 वर्षे रा. डावरेगल्ली, झेंडीगेट, अहिल्यानगर 2) सोहिल इकबाल कुरेशी वय- 26 वर्षे रा. सदरबाजार भिंगार, ता. जि. अहिल्यानगर 3) समिर शफिक कुरेशी वय- 33 वर्षे रा. सदर बाजार, भिंगार ता. जि. अहिल्यानगर 4) रिजवान महम्मदहुसैन कुरेशी वय- 36 वर्षे रा. सदरबाजार भिंगार, ता. जि. अहिल्यानगर असे असल्याचे सांगितले आहे. इसम तोहिद नुर कुरेशी याचेकडे पळुन गेलेल्या इसमांचे नांव 5) वाशिफ मुन्नावर कुरेशी रा.सुभेदारगल्ली, झेंडीगेट, अहिल्यानगर 6) कैफ मुन्नावर कुरेशी रा.सुभेदारगल्ली, झेंडीगेट, अहिल्यानगर असे असल्याचे सांगितले.
सदर ठिकाणीवरुन 1,54,000/-रुपये किंमतीची 530 किलो गोमांस, 500/-रु कि.चे लोखंडी सत्तुर व सुरा असा एकुण 1,59,000/- रुपये किमतीचा मुद्देमाल हस्तगत करण्यात आला आहे.
वरीलआरोपीविरुध्द पोकॉ/630 विशाल आण्णासाहेब तनपुरे नेम – स्थानिक गुन्हे शाखा, अहिल्यानगर यांचे फिर्यादीवरुन कोतवाली पोलीस ठाणे गु.र.नं. 984/2025 भारतीय न्याय संहिता 2023 चे कलम 271,325,3(5) महाराष्ट्र प्राणी संरक्षण अधिनियम क. 5(अ), 5(ब), 5(क), 9 प्रमाणे गुन्हा दाखल करण्यात आला असुन पुढील तपास कोतवाली पोलीस स्टेशन करीत आहे.
सदरची कारवाई मा. श्री. सोमनाथ घार्गे पोलीस अधीक्षक, अहिल्यानगर यांचे सुचना व मार्गदर्शनाखाली स्थानिक गुन्हे शाखेचे वरील पोलीस अधिकारी व अंमलदार यांनी केलेली आहे.
बातमी शेअर करणायसाठी येथे क्लिक करा
