देशस्तंभ ऑनलाईन न्यूज नेटवर्क :अहिल्यानगर दि. 7 फेब्रुवारी : राकेश ओला, पोलीस अधीक्षक अहिल्यानगर यांनी स्थानिक गुन्हे शाखेचे पोनि दिनेश आहेर यांना जिल्ह्यामध्ये अवैध व्यावसायिकांवर कारवाई करणेबाबत आदेश दिलेले आहेत.नमुद आदेशाप्रमाणे पोनि दिनेश आहेर यांनी स्थानिक गुन्हे शाखाव तपास पथकातील सपोनि/हेमंत थोरात, पोसई/तुषार धाकराव व अंमलदार गणेश भिंगारदे, मनोहर गोसावी, संदीप दरंदले, रोहित येमुल, प्रमोद जाधव, अमृत आढाव, रमीजराजा आत्तार, बाळासाहेब नागरगोजे, महादेव भांड व अरूण मोरे अशांचे दोन पथक तयार करून शिर्डी पोलीस स्टेशन हद्दीत फरार पाहिजे आरोपी माहिती व अवैध व्यावसायिकांची माहिती काढुन त्यांचेविरुध्द कारवाई करणेबाबत सुचना देऊन पथक रवाना केले होते.दिनांक 06/02/2025 रोजी पथक शिर्डी पोलीस स्टेशन हद्दीत फरार आरोपीचा शोध घेत असताना सपोनि/थोरात यांना गुप्त बातमीदारामार्फत माहिती मिळाली की, अहिल्यानगर जिल्हयातुन हद्दपार केलेला इसम नामे विशाल मायकल मोकळ, रा.राहाता हा शिर्डी येथे असल्याची माहिती मिळाली. पथकाने शिर्डी शहरामध्ये संशयीत इसमाचा शोध घेऊन त्यास ताब्यात घेतले.त्यास पथकाची ओळख सांगुन नाव विचारले असता त्याने त्याचे नाव 1) विशाल मायकल मोकळ, वय 27, रा.आंबेडकरनगर, राहाता, ता.राहाता, जि.अहिल्यानगर असे असल्याचे सांगीतले. पथकाने अभिलेखाची खात्री केली असता त्यास दिनांक 15/02/2024 पासुन 1 वर्षाकरीता हद्दपार केले असल्याचे निष्पन्न झाले.पथकाने ताब्यातील आरोपीविरूध्द शिर्डी पोलीस स्टेशन गुरनं 101/2025 म.पो.का.क.142 प्रमाणे गुन्हा दाखल करण्यात आला असून पुढील कारवाई शिर्डी पोलीस स्टेशन हे करीत आहेत.
दिनांक 06/02/2025 रोजी स्थानिक गुन्हे शाखेच्या पथकाने शिर्डी पोलीस स्टेशन हद्दीमध्ये अवैध दारू विक्रेते व अवैध जुगार चालविणाऱ्या इसमांची माहिती काढुन, पंचासमक्ष 07 वेगवेगळया ठिकाणी छापे टाकुन अवैध व्यावसायिकांविरूध्द कारवाई केली.त्यामध्ये शिर्डी पोलीस स्टेशनला महाराष्ट्र दारूबंदी कायदयान्वये 06 गुन्हे व जुगार कायदयान्वये 01 असे एकुण 7 गुन्हे दाखल करण्यात आले असून त्यात 1,27,920/- किंमतीचा मुद्देमाल जप्त करण्यात आलेला आहे.
अ.क्र. पो.स्टे. गुरनं व कलम जप्त मुद्देमाल
1 शिर्डी गुरनं 94/25 महा.दारूबंदी कायदा कलम 65 (ई) 13,990/-
2 शिर्डी गुरनं 95/25 महा.दारूबंदी कायदा कलम 65 (ई) 6,390/-
3 शिर्डी गुरनं 96/25 महा.दारूबंदी कायदा कलम 65 (ई) 19,000/-
4 शिर्डी गुरनं 97/25 महा.दारूबंदी कायदा कलम 65 (ई) 21,050/-
5 शिर्डी गुरनं 98/25 महा.दारूबंदी कायदा कलम 65 (ई) 15,150/-
6 शिर्डी गुरनं 99/25 महा.दारूबंदी कायदा कलम 65 (ई) 10,240/-
7 शिर्डी गुरनं 100/25 महा.जुगार कायदा कलम 12(अ) 42,100/-
पथकाने केलेल्या कारवाईमध्ये ताब्यात घेण्यात आलेल्या आरोपीतांना 1,27,290/- रू किंमतीचे मुद्देमालासह शिर्डी पोलीस स्टेशन येथे हजर केले असून पुढील कारवाई शिर्डी पोलीस स्टेशन हे करीत आहेत.
सदर कारवाई राकेश ओला,पोलीस अधीक्षक, अहिल्यानगर, वैभव कलुबर्मे, अपर पोलीस अधीक्षक, श्रीरामपूर, व शिरीष वमने, उपविभागीय पोलीस अधिकारी, शिर्डी उपविभाग यांचे सुचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.
बातमी शेअर करणायसाठी येथे क्लिक करा
