लोकसभा सार्वत्रिक निवडणुकांसाठी ईव्‍हीएम व व्ही व्ही पॅट संदर्भात जनजागृती मोहिम
अहमदनगर दि. 16
डिसेंबर (प्रतिनिधी ) मा भारत निवडणूक आयोग व मुख्य निवडणूक अधिकारी, महाराष्ट्र राज्य, मुंबई यांचे निर्देशानुसार अहमदनगर जिल्हयातील 12 मतदार संघामध्ये आगामी लोकसभा सार्वत्रिक निवडणुक 2024 साठी ईव्‍हीएम व व्ही व्ही पॅट संदर्भात जनजागृती संदर्भात मोहिम राबविण्‍यात येणार आहे. या मोहिमेत मोबाईल व्हॅनद्वारे EVM व VVPAT मशीन द्वारे प्रात्यक्षिक दाखविण्‍यात येणार आहे. 
या जनजागृती मोहीमेचा कालावधी 15 डिसेंबर 2023 ते 15 फेब्रुवारी 2024 असा आहे. या मोहिमेमध्‍ये प्रत्येक मतदान केंद्राच्या ठिकाणी मोबाईल व्हॅन दवारे EVM व VVPAT बाबत जनजागृती करण्यात येणार आहे. या मोबाईल व्हॅनमध्ये एक अधिकारी, एक कर्मचारी व एक पोलीस नियुक्त करण्यात आले आहे.
जिल्हाधिकारी कार्यालय, अहमदनगर येथे EVM प्रात्यक्षिक केंद्रे उभारण्यात आले असून जिल्हयातील 14 तहसिल कार्यालयात EVM प्रात्यक्षिक केंद्रे उभारण्यात आले आहे. त्या ठिकाणी 1 कर्मचारी उपस्थित राहून EVM व VVPAT चे प्रात्यक्षिक दाखविणार आहे,
जिल्हयातील 3731 मतदान केंद्राचा 10% मशिन्स (373 मशिन्स) प्रशिक्षण, प्रसार व जनजागृती यासाठी वापरण्यात येणार आहे. या मशिन्स 12 डिसेंबर 2023 रोजी सर्व उपविभागीय मुख्यालयाचे स्ट्रॉगरुम मध्ये ठेवणेकामी वाटप करण्यात आल्या आहेत.
जिल्हाधिकारी तथा जिल्हा निवडणूक अधिकारी, अहमदनगर यांचेद्वारे सर्व मतदारांना आवाहन करण्यात येते की EVM व VVPAT मशिन्स वापराबाबत संपूर्ण माहिती करुन घ्यावी. असे उपजिल्हा निवडणूक अधिकारी, अहमदनगर यांनी प्रसिध्‍दी पत्रकान्‍वये कळविले आहे.
