डॉ.सबनीस यांच्या हस्ते रविवारी कॉ.गोविंद पानसरे स्मृती प्रबोधन पुरस्कार वितरण

राहुरी / प्रतिनिधी —
कॉ.गोविंद पानसरे यांचा स्मृतीदिन रविवार दि.२० फेब्रुवारी २०२२ रोजी असुन अखिल भारतीय मराठी साहित्य संमेलनाचे माजी अध्यक्ष,जेष्ठ विचारवंत प्रा.डॉ.श्रीपाल सबनीस यांच्या हस्ते कोहिनुर मंगल कार्यालयात दु. १२.३० वा. ‘कॉ.गोविंद पानसरे स्मृती प्रबोधन पुरस्कार’ कॉ.श्रीधर आदिक यांना प्रदान केला जाणार आहे.
यावेळी कार्यक्रमाचे अध्यक्षस्थानी कविवर्य चंद्रकांत पालवे राहणार असुन ऍड.कॉ.सुभाष लांडे पाटील व स्मिता पानसरे उपस्थित राहणार आहेत. तरी या कार्यक्रमास उपस्थित राहावे असे आवाहन अध्यक्ष राजेंद्र उदागे, संस्थापक सचिव सुनील गोसावी व प्रगतिशील लेखक संघाच्या राज्य सह सचिव शर्मिला गोसावी यांनी केले आहे.