नगर तालुका पोलीस स्टेशन हद्दीमध्ये विविध ठिकाणी अवैध दारु विक्रीवर छापे टाकून एकुण ४४,३२५/- रुपयेचे मुद्देमाल जप्त नगर तालुका पोलीस स्टेशनची कारवाई!
अहमदनगर दि. १३ मे (प्रतिनिधी)
नगर तालुका पोलीस स्टेशन हद्दीमध्ये विविध ठिकाणी अवैध दारु विक्रीवर छापे टाकून एकुण ४४,३२५/- रुपयेचे मुद्देमाल जप्त नगर तालुका पोलीस स्टेशनने कारवाई केल्याची माहिती समोर आली आहे. या कारवाईची विस्तृत माहिती अशी की,नगर तालुका पोलिस ठाण्याचे सहाय्यक पोलीस निरीक्षक,श्री शिशिरकुमार देशमुख, यांनी नगर तालुका पोस्टे हद्दीमध्ये अवैध धंद्यावर करावाई करणेकामी पोउनि युवराज चव्हाण, पोउनि रणजित मराग, पोहेकॉ / राहूल शिंदे, पोकों/कमलेश पाथरुट, पोकॉ/ संदीप जाधव, पोकों/खिळे, चपोहेकॉ / इथापे असे पोलीस अधिकारी व अंमलदार याचे पथक स्थापन करुन अवैध धंद्यावर कारवाई करणेकामी आदेश दिले.
सदर आदेशान्वये सदर पथक नगर तालुका पोस्टे हद्दीमध्ये अवैध धंद्यावर करावाई करणेकामी पेट्रोलींग करीत असतांना श्री शिशिरकुमार देशमुख, सहायक पोलीस निरीक्षक यांना गुप्त बातमी मिळाली की, वाटेफळ ता.जि. अहमदनगर गावच्या शिवारात निसर्ग हॉटेल येथे एक इसम बेकायदेशीर देशी व विदेशी दारुची मोठयाप्रमाणात विक्री करीत आहे तुम्ही तेथे जावून कारवाई करा व रुईछत्तीसी गावामध्ये हॉर्टल दिपाली येथे सुध्दा देशी व विदेशी दारुची विक्री होत आहे तेथे जावून कारवाई करा असा आदेश दिल्याने सदर पथक हॉटेल निसर्ग, वाटेफळ येथे जावून खात्री केली असता एक इसम विदेश दारुची विक्री करतांना दिसला सदर पथकाची व पंचाची खात्री पटताच विदेशी दारुची विक्री करण्याच्या इसमाला ताब्यात घेवून त्याचे नाव व गाव विचारले असता त्याने त्याचे नाव सचिन अशोक भवर वय ३३ वर्षे रा. वाटेफळ ता. जि. अ.नगर असे असल्याचे सांगितले. त्याची दोन पंचासमक्ष झडती घेतली असता त्याच्या कब्जेमध्ये एकुण ५१७५/- रुपयेचा विविध कंपनीच्या देशी व विदेश दारुच्या बाटल्या मिळून आल्या.
त्यानंतर नमुद पथक बातमीतील दुसऱ्या ठिकाणी रुईछत्तीसी गावामधील हॉटेल दिपाली येथे जावून खात्री केली असता त्याठिकाणी एक इसम देशी व विदेशी दारुची विक्री करताना दिसला पोलीसाची व पंचाची खात्री होताच सदर इसमास ताब्यात घेवून त्याचे नाव व गाव विचारले असता त्याने त्याचे नाव सोमनाथ सुनिल जगदाळे वय २३ वर्षे रा. रुईछत्तीसी ता. जि. अ.नगर असे असतलेचे सांगितले त्याची झडती घेतली असता त्याच्या कब्जात • एकुण ४६५०/- रुपयाचा मुद्देमाल मिळून आला.
त्यानंतर पथक बातमीप्रामणे तिसऱ्या ठिकाणी निमगांव वाघा गावच्या शिवारात गेले असता तेथे एका घराच्या आडोशाला एक गावठी हातभट्टीचे रसायण व तयार हातभट्टीच्या एकुण ३४५००/- मुद्देमाल असा एकुण ४४, ३२५/- जप्त करण्यात आला.
सदर घटनेबाबत नगर तालुका पोलीस स्टेशन येथे गुन्हा दाखल करण्यात आले आहेत. सदरची कारवाई मा. श्री. राकेश ओला सो. पोलीस अधीक्षक, अहमदनगर, मा. श्री. प्रशांत खैरे, अपर पोलीस अधीक्षक, अहमदनगर, मा. उप विभागीय पोलीस अधिकारी, श्री अजित पाटील साो., सपोनि शिशिरकुमार देशमुख, पोउनि युवराज चव्हाण, पोउनि रणजित मराग, पोहेकॉ / राहूल शिंदे, पोकों/कमलेश पाथरुट, पोकॉ संदीप जाधव, पोकों/खिळे, चपोहेकॉ / इथापे यांचे पथकाने केलेली आहे.
