आमदार जगताप यांच्याकडुन डॉ बाबासाहेब आंबेडकरांचा पूर्णाकृती पुतळा व परिसराची पाहणी! सर्व रिपब्लिकन नेत्यांना पुतळा अनावरण सोहळयाचे निमंत्रण: सुरेश बनसोडे

देशस्तंभ ऑनलाईन न्यूज नेटवर्क: अहिल्यानगर: दि. 20 जुलै:
27 जुलै 2025 रोजी अहिल्यानगर शहरात विश्वरत्न डॉ. बाबासाहेब आंबेडकर यांच्या पूर्णाकृती पुतळा अनावरणाचा ऐतिहासिक महासोहळा संम्पन्न होत आहे. या पार्श्वभूमीवर काल 19 जुलै रोजी सायंकाळी आमदार संग्राम जगताप यांनी पुतळा व परिसराची पाहणी करत महानगर पालिका आयुक्त डांगे व प्रशासनाला योग्य त्या सूचना केल्या असल्याची माहिती सुरेश बनसोडे यांनी प्रसार माध्यमाना दिली.
यावेळी बोलतांना बनसोडे म्हणाले डॉ. बाबासाहेब आंबेडकर समितीने आरपीआय चे राष्ट्रीय अध्यक्ष नामदार रामदास आठवले, पीपल्स रिपब्लिकन पार्टीचे राष्ट्रीय अध्यक्ष, माजी खासदार प्रा. जोगेंद्र कवाडे, भीमशक्तीचे राष्ट्रीय अध्यक्ष खासदार चंद्रकांत हंडोरे, भारतीय बौद्ध महासभेचे भीमराव यशवंत आंबेडकर व सर्वच रिपब्लिकन नेत्यांना कार्यक्रमाचे निमंत्रण दिले असून 27 जुलै 2025 रोजी सायंकाळी 6 वाजता होणाऱ्या या ऐतिहासिक सोहळ्यास सर्वच रिपब्लिकन नेते उपस्थित राहणार असल्याचे सांगितले, यावेळी समितीचे सर्व सदस्य व आंबेडकरी चळवळीतील सर्व कार्यकर्ते उपस्थित होते.