देशस्तंभ ऑनलाईन न्यूज नेटवर्क
प्रस्तुत बातमीची हकिगत अशी की, फिर्यादी सौ.प्रियंका सतीष चौधरी, रा.मालपाणी हेल्थक्लब, संगमनेर या दिनांक 28/11/2024 रोजी रस्त्याने पायी जात असताना अज्ञात आरोपी पल्सर मोटार सायकलवरून पाठीमागुन येऊन, त्यांनी फिर्यादीचे गळयातील सोन्याचे मिनीगंठण जबरीने हिसकावून घेतले. याबाबत संगमनेर शहर पो.स्टे. गुरनं 981/2024 भा.न्या.सं. 2023 चे कलम 309 (4) प्रमाणे जबरी चोरीचा गुन्हा दाखल करण्यात आला होता.
संगमनेर शहरामध्ये सातत्याने चैन स्नॅचिंगचे गुन्हे घडत असल्याने मा. श्री. राकेश ओला, पोलीस अधीक्षक, अहिल्यानगर यांनी पोनि/श्री. दिनेश आहेर, स्थानिक गुन्हे शाखा यांना ना उघड जबरी चोरी (चैन स्नॅचिंग)च्या गुन्ह्याचा समांतर तपास करुन गुन्हा उघडकिस आणणे बाबत आदेशित केले होते.
नमुद आदेशान्वये पोनि/श्री. दिनेश आहेर यांनी स्थानिक गुन्हे शाखा व तपास पथकातील पोसई/ तुषार धाकराव, पोलीस अंमलदार मनोज गोसावी, गणेश भिंगारदे, फुरकान शेख, संतोष खैरे, अमृत आढाव, बाळासाहेब गुंजाळ, रमीजराजा अत्तार, रोहित येमुल, सागर ससाणे, जालींदर माने, रविंद्र घुंगासे, मेघराज कोल्हे, भाग्यश्री भिटे, चंद्रकांत कुसळकर व अरूण मोरे अशांचे पथक नेमुन चैन स्नॅचिंगचे गुन्हे उघडकिस आणणेबाबत आवश्यक सुचना देवुन पथकास रवाना केले.
तपास पथक घटनाठिकाणी भेट देवुन, चैन स्नॅचिंग घडलेल्या ठिकाणचे आजुबाजुचे सी.सी.टी.व्ही. फुटेज, तांत्रीक विश्लेषणाच्या आधारे आरोपीचा निष्पन्न करून, निष्पन्न आरोपीचा शोध घेत असताना बातमीदारामार्फत माहिती मिळाली की, सदरचा गुन्हा हा मयुर संजय ब्राम्हणे, रा.वेताळबाबा चौक, लोणी, ता.राहाता, जि.अहिल्यानगर याने त्याचे साथीदारासह केला असून, ते सध्या भाने वस्ती, हसनापूर रोड, लोणी येथे आहेत.पथकाने मिळालेल्या बातमीतील ठिकाणी जाऊन संशयितांचा शोध घेऊन त्यांना ताब्यात घेतले. ताब्यात घेण्यात आलेल्या इसमांना पोलीस पथकाची ओळख सांगुन त्यांचे नाव गांव विचारले असता त्यांनी त्यांचे नाव 1) मयुर संजय ब्राम्हणे, वय 22, रा.चर्चजवळ, वेताळबाबा चौक, लोणी, ता.राहाता, जि.अहिल्यानगर 2) निखील सुरेश भुजवळ, वय 20, रा.गिरीम, ता.दौंड, जि.पुणे हल्ली रा.भाने वस्ती, हसनापूर रोड, लोणी, ता.राहाता 3) दिप भटु सातपुते, वय 22, रा.रणछोजडजी सोसायटी, कतारग्राम, सुरत, गुजरात हल्ली रा.भाने वस्ती, हसनापूर रोड, लोणी, ता.राहाता 4) अभिषेक बाळासाहेब जाधव, वय 22, रा.बाभळेश्वर, ता.राहाता, जि.अहिल्यानगर असे सांगीतले.
पथकाने ताब्यातील आरोपीतांना विश्वासात घेऊन विचारपुस करता ताब्यातील आरोपीतांनी त्याचे साथीदार 5) संदीप पोपट कदम, रा.मानोरी, ता.राहुरी, जि.अहिल्यानगर (फरार) व 6) बल्ली उर्फ बलीराम रामचंद्र यादव, रा.श्रीरामपूर, जि.अहिल्यानगर याचे मदतीने पल्सर व युनिकॉर्न मोटार सायकलवरून संगमनेर शहर व लोणी येथे चैन स्नॅचींगचे गुन्हे केल्याचे सांगीतले.तसेच गुन्हयांमध्ये चोरी केलेले सोन्याचे दागीने हे लोणी येथील सोनारास विक्री केल्याची माहिती दिलेली आहे.
पथकाने ताब्यात घेण्यात आलेल्या आरोपीने दिलेल्या माहितीवरून संगमनेर शहर व लोणी पोलीस स्टेशनला दाखल जबरी चोरीच्या ( चैन स्नॅचिंग ) गुन्हयांची पडताळणी करून खालीलप्रमाणे 8 गुन्हे उघडकीस आणलेले आहेत.
अ.क्र. पोलीस स्टेशन गु.र.नं. तपासात निष्पन्न केलेल्या आरोपीचे नाव
1 संगमनेर शहर 981/2024
1. मयुर संजय ब्राम्हणे
2. निखील सुरेश भुजबळ
3. दिप भटु सातपुते
4. संदीप पोपट कदम (फरार)
2 संगमनेर शहर 646/2024
1. मयुर संजय ब्राम्हणे
2. निखील सुरेश भुजबळ
3. दिप भटु सातपुते
4. बलीराम रामचंद्र यादव
3 संगमनेर शहर 655/2024
1. दिप भटु सातपुते
2. बलीराम रामचंद्र यादव
4 संगमनेर शहर 683/2024
5 संगमनेर शहर 818/2024
1. दिप भटु सातपुते
2.मयुर संजय ब्राम्हणे
6 संगमनेर शहर 872/2024
7 संगमनेर शहर 892/2024
1. दिप भटु सातपुते
2. निखील सुरेश भुजबळ
8 संगमनेर शहर 832/2024
1. दिप भटु सातपुते
2. संदीप पोपट कदम (फरार)
9 लोणी 600/2024
1.अभिषेक बाळासोब जाधव
2. मदन रमेश उदावंत,
वर नमूद ताब्यातील आरोपीतांना गुन्हयाचे पुढील तपासकामी संगमनेर शहर व लोणी पोलीस ठाणे येथे हजर करण्यात आले आहे.
सदरची कारवाई मा. श्री. राकेश ओला, पोलीस अधीक्षक, अहिल्यानगर, मा.श्री. वैभव कुलबर्मे, अपर पोलीस अधिक्षक, श्रीरामपूर, मा. श्री. कुणाल सोनवणे, उपविभागीय पोलीस अधिकारी, संगमनेर उपविभाग व मा.श्री.शिरीष वमने, उपविभागीय पोलीस अधिकारी, शिर्डी उपविभाग यांचे सुचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.
बातमी शेअर करणायसाठी येथे क्लिक करा
