मोहरम हिंदू – मुस्लिम एकात्मकतेचे प्रतीक – किरण काळे बारा इमाम कोटलाला शहर जिल्हा अल्पसंख्यांक काँग्रेस आघाडीच्या वतीने चादर अर्पण

नगर दि. 16 जुलै प्रतिनिधी ): मोहरम निमित्त बारा इमाम कोटला या ठिकाणी शहर जिल्हा काँग्रेस अल्पसंख्यांक आघाडीच्या वतीने शहर काँग्रेसचे जिल्हाध्यक्ष किरण काळे यांच्या हस्ते चादर चढवत अभिवादन करण्यात आले. मोहरम हे हिंदू – मुस्लिम एकात्मिकतेचे प्रतीक असून जातीय सलोख्याची भावना त्यानिमित्तानं सर्व धर्मीयांमध्ये असते, असे प्रतिपादन यावेळी बोलताना काळे यांनी केले.
यावेळी अल्पसंख्यांक काँग्रेस शहर जिल्हाध्यक्ष अनिस चुडीवाला, उपाध्यक्ष रियाज सय्यद, उपाध्यक्ष मुस्तफा खान, माजी नगरसेवक फैयाज केबलवाला, काँग्रेस दिव्यांग सेल शहर जिल्हाध्यक्ष सोफियान रंगरेज, मनपाचे माजी विरोधी पक्षनेते दशरथ शिंदे, केडगाव विभागप्रमुख विलास उबाळे, काँग्रेस मागासवर्गीय आघाडीचे राज्य सचिव सुनील क्षेत्रे, शहर जिल्हा सरचिटणीस अभिनय गायकवाड, काँग्रेस आयटी सेलचे शहर जिल्हाध्यक्ष इंजि. सुजित क्षेत्रे, शहर जिल्हा सचिव गणेश आपरे, अल्पसंख्यांक काँग्रेस विभागाचे शहर अध्यक्ष चंद्रकांत उजागरे, साफसफाई कामगार विभागाचे शहर जिल्हाध्यक्ष गणेश चव्हाण, ब्लॉक काँग्रेस अध्यक्ष मनोज गुंदेचा, केडगाव काँग्रेसचे किशोर कोतकर, युवक काँग्रेस उपाध्यक्ष गौरव घोरपडे, ब्लॉक काँग्रेस उपाध्यक्ष अशोक शिंदे, युवक उपाध्यक्ष आकाश आल्हाट, युवक सरचिटणीस आनंद जवंजाळ, युवक तालुका उपाध्यक्ष विकास भिंगारदिवे, माजी नगरसेवक फारुक शेख, काँग्रेस महिला आघाडीच्या जिल्हाध्यक्ष उषाताई भगत, महिला दिव्यांग सेल शहर जिल्हाध्यक्ष मिनाज सय्यद, अल्पसंख्यांक आघाडीचे नेते निजाम जहागीरदार आदींसह पक्षाचे पदाधिकारी, कार्यकर्ते मोठ्या संख्येने उपस्थित होते.
यावेळी बोलताना किरण काळे म्हणाले की, भारताचे संविधान हे धर्मनिरपेक्ष संविधान आहे. देशाला हिंदू, मुस्लिम एकतेची अनेक वर्षांची परंपरा आहे. धर्माधर्मामधील भाईचारा हा सामाजिक सलोख्यासाठी महत्त्वाचा आहे. मोहरमच्या निमित्तानं नगर शहरामध्ये हिंदू, मुस्लिम एकतेचे दर्शन गेल्या अनेक वर्षांपासून घडत आले आहे. पोलीस प्रशासनाने चोख बंदोबस्त या निमित्ताने शहरामध्ये ठेवला आहे. सर्वत्र सीसीटीव्ही कॅमेरे लावण्यात आले आहेत. सर्वांनी प्रशासनाला सहकार्य करावे असे आवाहन यावेळी काळे यांनी केले.
अनिस चुडीवाला म्हणाले की, नगरची मोहरम ही भारतभर ओळखली जाते. भाविकांची मोठी श्रद्धा या ठिकाणी पाहायला मिळते. दरवर्षी काँग्रेस पक्षाच्या वतीने चादर अर्पण केली जाते. अनिस चुडीवाला दर वर्षी मोहरमच्या निमित्ताने सर्वधर्मीय भाविकांची मोठ्या संख्येने गर्दी येथे होत असते. नगर शहरासह राज्याच्या विविध भागातून भाविक या ठिकाणी मनोभावे भेट देत असतात. नगरसाठी ही अभिमानाची बाब आहे.