जामखेड तालुक्यातील “तो ‘वादग्रस्त शिक्षक अखेर निलंबीत ..!
जामखेड – तालूक्यातील वादग्रस्त शिक्षक विजय सुभाष जाधव प्राथमिक शिक्षक जिल्हा परिषद प्राथमिक शाळा मोहा ता. जामखेड येथे कार्यरत असलेल्या शिक्षकाला जिल्हा परिषद चे मुख्यकार्यकारी अधिकारी श्री . आशिष येरेकर यांनी अखेर जिल्हा परिषद सेवेतून निलंबित केले आहे .
याबाबतची सविस्तर माहीती अशी की , विजय सुभाष जाधव प्राथमिक शिक्षक मोहा ता. जामखेड येथे कार्यरत असताना सन २०२३ -२४ चे वार्षिक तपासणी वेळी तपासणी असलेल्या विस्तार अधिकारी, केंद्रप्रमुखांना धमकावणे, दमबाजी करणे , याबाबतचा अहवाल जिल्हा परिषदेस प्राप्त झाला होता.
त्यामुळे जाधव यांनी जिल्हा सेवा (वर्तणूक ) नियम १९६७ मधील ३ चा भंग केल्याप्रकरणी त्यांना जिल्हा परिषद सेवेतून निलंबित करण्यात आले आहे. निलंबनकाळात त्यांना गटशिक्षणाधिकारी कार्यालय पंचायत समिती नेवासा हे मुख्यालय देण्यात आले आहे .
यापूर्वीच सुभाष जाधव यांनी कर्तव्यात कसूर केल्यामुळे त्यांची विभागीय चौकशी प्रास्तावित करण्यात आली आहे .
