डॉ.बाबासाहेब आंबेडकर पूर्णाकृती पुतळ्याचे भूमीपूजन 20 जानेवारी रोजी क्रीडामंत्री संजय बनसोडे यांच्या हस्ते होणार : आमदार संग्राम जगताप
अहमदनगर दि. 13 जानेवारी (प्रतिनिधी ):-गेली वीस ते पंचवीस वर्षापासून शहरातील मार्केटयार्ड समोर महामानव डॉ.बाबासाहेब आंबेडकर यांचा पूर्णाकृती पुतळा उभारावा यासाठी आंबेडकरी समाजाने २५ वर्ष न्यायालयीन प्रक्रिया लढत व आंदोलनाच्या माध्यमातून डॉ.बाबासाहेब आंबेडकर पुतळाकृती समितीच्या वतीने केलेल्या पाठपुराव्याला यश आले असून मनपाच्या माध्यमातून मार्केटयार्ड समोर दिल्ली येथे सर्वोच्च न्यायालयाच्या आवारात नुकताच साकारण्यात आलेल्या पुतळ्याची प्रतिकृती डॉ.बाबासाहेब आंबेडकर चौक येथे त्यांच्या पूर्णाकृती पुतळ्याचे भूमीपूजन २० जानेवारी राज्याचे क्रीडामंत्री संजय बनसोडे यांच्या हस्ते करण्यात येणार असल्याची माहिती आ.संग्राम जगताप यांनी दिली.
आज १३ जानेवारी रोजी शासकीय विश्रामगृहावर पत्रकार परिषद घेत शहराचे आमदार संग्राम जगताप यांनी नगर शहर वासियांना या कार्यक्रमाला उपस्थित राहण्याचे आवाहनही केले.या वेळी आ.संग्राम जगताप,मनपा पाणीपुरवठा अभियंता परिमल निकम,मनपा इंजि.मनोज पारखे,अशोक गायकवाड,मा. नगरसेवक अजय साळवे,राष्ट्रवादी सामाजिक न्याय विभागाचे जिल्हाध्यक्ष सुरेश बनसोडे,मा.नगरसेवक प्रशांत गायकवाड,मा.नगरसेवक कुमार वाकळे,संजय कांबळे रोहित आव्हाड,सुमेध गायकवाड,किरण दाभाडे,सोमा शिंदे,सुनील क्षेत्रे,कौशल गायकवाड,पोपट जाधव,संजय जगताप आदींसह आंबेडकरी चळवळीतील कार्यकर्ते उपस्थित होते.
