अहिल्यानगर दि. 8 नोव्हेंबर (प्रतिनिधी ) अहिल्यानगर नगर शहर विधानसभा मतदार संघांचे महायुतीचे अजित पवार गटाचे उमेदवार आमदार संग्राम जगताप यांच्या प्रचाराच्या समर्थनार्थ पीपल्स रिपब्लिकन पार्टी (कवाडे ) गटाची बैठक नुकतीच सिद्धार्थनगर येथील पंचशील विद्या मंदिर येथे घेण्यात आली.
यावेळी उपस्थित कार्यकर्त्यांना संबोधित करतांना पीपल्स रिपब्लिकन पार्टीचे जिल्हा अध्यक्ष सुमेध गायकवाड म्हणाले, फुले, शाहू, आंबेडकरी, चळवळीतील कार्यकर्त्यांना बरोबर घेऊन काम करणार असल्याचा शब्द आमदार संग्राम जगताप यांनी दिला आहे. शहरातील डॉ. बाबासाहेब आंबेडकर यांचा पूर्णाकृती पुतळा, सामाजिक न्याय भवन व शहरातील बौद्ध विहारे, समाज मंदिरे आमदार जगताप यांनी त्यांच्या निधीतून बांधलेली आहेत. 
पीपल्स रिपब्लिकन पार्टीचे राष्ट्रीय अध्यक्ष माजी खासदार प्रा. जोगेंद्र कवाडे सर यांचे हात बळकट करण्यासाठी पीपल्स रिपब्लिकन पार्टीचे पदाधिकारी, कार्यकर्ते आमदार संग्राम जगताप यांच्या प्रचारात सक्रिय असून या निवडणुकीत त्यांना बहुमताने निवडून देतील असा विश्वास त्यांनी व्यक्त केला.
बैठकीच्या अध्यक्ष पीपल्स रिपब्लिकन पार्टीच्या जेष्ठ नेत्या सुमन काळापहाड होत्या, त्यावेळी बोलतांना त्या म्हणाल्या, प्रा. कवाडे सरांच्या पक्षात आम्ही अनेक वर्षांपासून काम करीत आहोत. यामाध्यमातून महिलांचे अनेक प्रश्न सोडवत आहोत. प्रा. कवाडे सर यांच्या आदेशानुसार येणाऱ्या विधानसभा निवडणुकीत आमदार संग्राम जगताप यांना बहुमताने निवडून दयावे असे आवाहन यावेळी त्यांनी केले.
पीपल्स रिपब्लिकन पार्टीच्या महिला जिल्हा अध्यक्ष गौतमी भिंगारदिवे बोलतांना म्हणाल्या पीपल्स रिपब्लिकन पार्टीचे राष्ट्रीय अध्यक्ष प्रा. कवाडे सर हे महायुतीचे काम करीत आहेत. नगर शहर मतदार संघांचे आमदार संग्राम जगताप हे महायुतीचे उमेदवार असून आपण सर्व कार्यकर्त्यांनी मनापासून बहुमताने आमदार जगताप यांना तिसऱ्यांदा निवडून देणार असल्याची ग्वाही त्यांनी दिली. या बैठकीस जेष्ठ मार्गदर्शक प्रा. भीमराव पगारे, जेष्ठ नेते नितीन कसबेकर, जेष्ठ नेत्या सुमनताई काळापहाड, पीपल्स रिपब्लिकन पार्टीचे जिल्हा अध्यक्ष सुमेध गायकवाड, जेष्ठ मार्गदर्शक सुरेश भिंगारदिवे, जिल्हा सरचिटणीस महेश भोसले, जिल्हा कार्याध्यक्ष नितीन साळवे, महिला जिल्हा अध्यक्ष गौतमी भिंगारदिवे, जेष्ठ नेत्या शबना शेख, महेमूदा पठाण, लता भिंगारदिवे, राधा पाटोळे, ललिता पाटोळे, रंजना भिंगारदिवे,लता बर्डे, प्रमोदीनी साळवे, ममता गायकवाड, मंगल साळवे,सारिका शर्मा, शहर अध्यक्ष संजय साळवे, किरण गायकवाड, विशाल गायकवाड, सारंग पाटेकर, सागर ढगे, शाहिद शेख,मनोज ठोंबे, अक्षय बोरुडे, किरण जाधव, संघा गायकवाड, सिद्धार्थ राजगुरू, सिद्धांत गायकवाड, अनिकेत विधाते, प्रतीक सोनवणे आदी कार्यकर्ते मोठया संख्येने उपस्थित होते.
बातमी शेअर करणायसाठी येथे क्लिक करा
