अहमदनगर जिल्ह्यातून हद्दपार करण्यात आलेला सराईत गुन्हेगार निलक्रांती चौक, दिल्लीगेट, येथुन जेरबंद स्थानिक गुन्हे शाखा अहमदनगरची कारवाई!
अहमदनगर दि. १७ एप्रिल (प्रतिनिधी) मा. श्री. राकेश ओला साहेब, पोलीस अधीक्षक, अहमदनगर यांनी पोनि/श्री. दिनेश आहेर, स्थानिक गुन्हे शाखा, अहमदनगर यांना आगामी सण व उत्सव अनुषंगाने अहमदनगर जिल्ह्यातून हद्दपार करण्यात आलेल्या रेकॉर्डवरील सराईत गुन्हेगारांना चेक करुन सदरचे हद्दपार गुन्हेगार हद्दपार आदेशाचा भंग करुन अहमदनगर जिल्ह्यामध्ये बेकायदेशिररित्या वास्तव्य करताना मिळून आल्यास कारवाई करणेबाबत आदेश दिले होते.
नमुद आदेशाप्रमाणे पोनि/श्री. दिनेश आहेर यांनी स्थानिक गुन्हे शाखेतील पोसई/तुषार धाकराव, पोहेकॉ/सुनिल चव्हाण, दत्तात्रय हिंगडे, संदीप पवार, पोना/लक्ष्मण खोकले, पोकॉ/मच्छिंद्र बर्डे, मेघराज कोल्हे, योगेश सातपुते अशा अंमलदारांचे पथक नेमून हद्दपार इसमांना चेक करुन कारवाई करणे बाबत आदेश दिले होते.
त्याप्रमाणे पथकातील अंमलदार हे अहमदनगर शहरातील हद्दपार गुन्हेगारांना चेक करीत असताना पोनि/श्री. दिनेश आहेर यांना गुप्तबातमीदारा मार्फत माहिती मिळाली कि, हद्दपार इसम नामे गौरव गायकवाड हा हद्दपार असताना निलक्रांती चौकातील पानटपरी समोर उभा आहे. आता गेल्यास मिळुन येईल अशी खात्रीशीर माहिती मिळाल्याने पोनि/दिनेश आहेर यांनी प्राप्त माहिती पथकास कळवुन खात्री करुन कारवाई करणे बाबत सुचना दिल्या. पथकातील पोलीस अधिकारी व अंमलदार यांनी तात्काळ निलक्रांती चौकात जावुन हद्दपार गौरव गायकवाड याचा शोध घेत असताना तो निलक्रांती चौकातील पानटपरीवर उभा असलेला दिसला. पथक त्यास ताब्यात घेण्याचे तयारीत असताना त्याला पथकाची चाहुल लागताच तो पळुन जावु लागला पथकाने त्याचा पाठलाग करुन त्यास शिताफीने ताब्यात घेतले. नमुद हद्दपार गुन्हेगाराचे हद्दपार आदेशाबाबत खात्री केली असता, आरोपी नामे गौरव राजेंद्र गायकवाड रा. निलक्रांती चौक, दिल्लीगेट जवळ, अहमदनगर यास हद्दपार प्राधिकर तथा, पोलीस अधिक्षक, अहमदनगर यांचेकडील आदेशान्वये अहमदनगर जिल्ह्यातून हद्दपार करण्यात आलेले आहे.
वरील नमुद हद्दपार इसम हा हद्दपार आदेशाचा भंग करुन बेकायदेशिररित्या अहमदनगर शहरामध्ये वास्तव्य करीत असताना मिळून आल्याने त्यांचे विरुध्द तोफखाना पोस्टे गु.र.नं. 531/23 मपोकाक 142 प्रमाणे गुन्हे दाखल करण्यात आलेले आहेत. पुढील कार्यवाही तोफखाना पोस्टे करीत आहे.
सदरची कारवाई मा. श्री. राकेश ओला साहेब, पोलीस अधीक्षक, अहमदनगर, मा. श्री. प्रशांत खैरे साहेब, अपर पोलीस अधीक्षक, अहमदनगर, मा. श्री. अनिल कातकाडे साहेब, उपविभागीय पोलीस अधिकारी, नगर शहर विभाग यांचे सुचना व मार्गदर्शना खाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.
