प्राध्यापकाने केली आत्महत्या!
श्रीगोंदा( प्रतिनिधी):-अहमदनगर जिल्ह्यातील श्रीगोंदा शहरातील प्राध्यापकाने आत्महत्या केल्याची माहिती समोर आली आहे.
श्री छत्रपती शिवाजी महाविद्यालयाचे प्रा. नामदेव बाजीराव गाढवे (वय ४८) असे आत्महत्या केलेल्या प्राध्याकाचे नाव आहे. शिवाजीनगर परिसरातील राहत्या घरातील बेडरूममध्ये साडीने गळफास घेऊन आत्महत्या केल्याने परिसरात एकच खळबळ उडाली आहे.या घटनेची माहिती समजताच पोलिस निरीक्षक रामराव ढिकले यांनी घटनास्थळी भेट देऊन पाहणी केली.या घटनेबाबत पोलिसांनी दिलेल्या माहितीनुसार शहरातील श्री छत्रपती शिवाजी महाविद्यालयाचे प्रा.नामदेव बाजीराव गाढवे (वय ४८), यांनी दि.८ नोव्हेंबर रोजी पहाटे ५ वाजण्याच्या दरम्यान आपल्या श्रीगोंदा काष्टी रस्त्यावरील शिवाजीनगर परिसरातील राहत्या घरातील बेडरूममध्ये असलेल्या हुकला साडीने गळफास घेऊन आत्महत्या केली.या घटनेची माहिती रंगनाथ जिबे यांनी पोलिसांना कळवताच पोलिस निरीक्षक रामराव ढिकले यांनी घटनास्थळी जाऊन पाहणी केली.शिक्षण क्षेत्रातील प्राध्यापकाने आत्महत्या केल्याने एकच खळबळ उडाली आहे.याबाबत श्रीगोंदा पोलिस ठाण्यात अकस्मात मृत्यूची नोंद करण्यात आली आहे.
