जिल्ह्यात “या” ठिकाणी पावणे दोन लाखांचे गोमांस स्थानिक गुन्हे शाखेकडून जप्त!

अहमदनगर (प्रतिनिधी) जिल्ह्यातील संगमनेर तालुक्यात पावणे दोन लाखांचे गोमांस स्थानिक गुन्हे शाखेकडून जप्त करण्यात स्थानिक गुन्हे शाखेला यश आले आहे. या बाबतची सविस्तर माहिती अशी,
मा. श्री. राकेश ओला साहेब, पोलीस अधीक्षक, अहमदनगर यांनी पोनि/श्री. अनिल कटके, स्थानिक गुन्हे शाखा, अहमदनगर यांना जिल्ह्यातील अवैध धंद्याचे समुळ उच्चाटन करण्याचे दृष्टीने माहिती घेवुन कारवाई करणे बाबत आदेश दिले होते.
नमुद आदेशान्वये पोनि/श्री. अनिल कटके, स्थानिक गुन्हे शाखा, अहमदनगर यांनी स्थानिक गुन्हे शाखेतील सपोनि/दिनकर मुंडे, परि.पोसई/संदीप ढाकणे, परि.पोसई/विठ्ठल पवार, पोहेकॉ/बापुसाहेब फोलाणे, पोना/शंकर चौधरी, सचिन आडबल, विशाल दळवी, भिमराज खर्से, राहुल सोळुंके, पोकॉ/रणजीत जाधव व चापोहेकॉ/बबन बेरड अशांना बोलावुन घेवुन संगमनेर शहरात अवैध धंद्याविरुध्द कारवाई करणे बाबत सुचना देवुन पथकास तात्काळ रवाना केले. पथक संगमनेर शहर व परिसरात अवैध धंद्यांची माहिती घेत असतांना सपोनि/दिनकर मुंडे यांना गुप्तबातमीदारा मार्फत माहिती मिळाली की, खाटीक गल्ली, आसुरखाना शेजारी, मोळ्या जागेत, ता. संगमनेर येथे गोवंश जातीची जिवंत जनावरे डांबुन ठेवुन त्यांना अमानुषपणे वागवुन त्यांची कत्तल करुन, कब्जात बाळगुन विक्री करत आहे अशी खात्रीशीर माहिती मिळाली. सपोनि/ मुंडे यांनी सदर माहिती पोनि/श्री. अनिल कटके यांना कळविली.
पोनि/श्री. अनिल कटके यांनी माहिती प्राप्त होताच सपोनि/मुंडे यांना संगमनेर येथील पशुवैद्यकिय अधिकारी व पंच यांना सोबत घेवुन बातमीतील नमुद ठिकाणी जावुन खात्री करुन लागलीच कारवाई करणे बाबत आदेश दिल्याने पथकाने संगमनेर येथील पशुवैद्यकिय अधिकारी व दोन पंचाना सोबत घेवुन खाटीक गल्ली, ता. संगमनेर येथे जावुन खात्री करता आसुरखानाचे शेजारी आडोशाला मोकळ्या जागेत काही इसम गोवंशी जातीचे जनावरांची कत्तल करुन मास तोडतांना दिसल्याने अचानक छापा टाकला असता काही इसमांना जागीच पकडले व तीन इसम पळुन जावु लागले. पथकातील अंमलदारांनी त्यांचा पाठलगा करता त्यातील एकास शिताफीने ताब्यात घेतले व इतर दोन इसम पळुन गेले. पळुन गेलेल्या इसमांचा शोध घेतला परंतु ते मिळुन आले नाही.
ताब्यात घेतलेल्या इसमांना त्यांचे नाव गांव विचारले असता त्यांनी 1) सगीर बुढान कुरेशी, वय 40, खाटीक गल्ली, ता. संगमनेर, 2) मुशफिक मजरुल शेख, वय 50, रा. भारतनगर, ता. संगमनेर, 3) मतीन बशीर कुरेशी, वय 35, 4) फयीम खालीद कुरेशी, वय 35, दोन्ही रा. मुगलपुरा, ता. संगमनेर असे असल्याचे सांगितले. त्यांचेकडे गोवंश कत्तल खाना बाबत विचारपुस करता त्यांनी आम्ही मिळुन कत्तल खाना चालवत असुन गोमांस विक्री करत असल्याची कबुली दिल्याने 1,81,000/- हजार रु.किंमतीचे 900 किलो गोमास, दोन सुने व दोन कु-हाड असे मुद्देमालासह जप्त करुन संगमनेर शहर पोलीस स्टेशन 942/2022 भादविक 269, 34 सह महाराष्ट्र पशुसंरक्षण (सुधारणा) अधिनियम कल 5 (क), 9 प्रमाणे गुन्हा दाखल करण्यात आला आहे. पुढील कारवाई संगमनेर शहर पोलीस स्टेशन करीत आहे.
सदरची कारवाई मा. श्री. राकेश ओला साो. पोलीस अधीक्षक, अहमदनगर, मा. श्रीमती स्वाती भोर मॅडम, अपर पोलीस अधीक्षक, श्रीरामपूर, अतिरीक्त कार्यभार अहमदनगर, मा. श्री. राहुल मदने साहेब, उपविभागीय पोलीस अधिकारी, संगमनेर विभाग, संगमनेर यांचे सुचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.