अहमदनगर शहरात चैन स्नॅचिंग करणारा सराईत आरोपी 2,58,000/- रुपये किंमतीचे मुद्देमालासह स्थानिक गुन्हे शाखेने केला जेरबंद

अहमदनगर दि. 30 एप्रिल (प्रतिनिधी )
प्रस्तुत बातमीची हकिगत अशी की, फिर्यादी सौ. रंजना विलास जतकर वय 65, रा. अशोक नगर, कलानगर जवळ, सावेडी अहमदनगर या दिनांक 29/04/24 रोजी जॉगींग ट्रॅक परिसरातुन मोपेड गाडीवरुन रस्त्याने जातांना पाठीमागुन एक अनोळखी इसम काळे रंगाचे विना नंबर मोटार सायकलवर, फिर्यादीचे मोपेड गाडीजवळ येवुन गळ्यातील मंगळसुत्र ओढुन तोडून बळजबरीने चोरुन नेले बाबत तोफखाना पो.स्टे.गु.र.नं. 549/2024 भादविक 392 प्रमाणे जबरी चोरीचा गुन्हा दाखल आहे.
अहमदनगर शहरात चैन स्नॅचिंगच्या घटनांमध्ये वाढ झाल्याने मा. श्री. राकेश ओला साहेब, पोलीस अधीक्षक, अहमदनगर यांनी पोनि/श्री. दिनेश आहेर, स्थानिक गुन्हे शाखा, अहमदनगर यांना रेकॉर्डवरील आरोपींच्या शोधा करीता पथक नेमुण जिल्ह्यात घडलेल्या चैन स्नॅचिंगचे घटनांचा समांतर तपास करुन कारवाई करणे बाबत आदेशित केले होते.
नमुद आदेशान्वये पोनि/श्री. दिनेश आहेर यांनी दिनांक 29/04/24 रोजी स्थानिक गुन्हे शाखेतील पोसई/सोपान गोरे, बापुसाहेब फोलाणे, रविंद्र कर्डीले, संतोष खैरे, अमृत आढाव, मयुर गायकवाड, संदीप पवार, मनोहर गोसावी, गणेश भिंगारदे, देवेंद्र शेलार, विजय ठोंबरे, प्रशांत राठोड व भरत बुधवंत अशांचे पथक नेमुण ना उघड गुन्ह्यातील आरोपींची माहिती घेणे बाबत आवश्यक सुचना देवुन पथकास रवाना केले. पथकाने अहमदनगर शहरामधील चैन स्नॅचिंग झालेल्या ठिकाणी भेटी दिल्या असता दिनांक 28/04/24 रोजी सिव्हील हाडको परिसरामध्ये चैन स्नॅचिंगचे वेळी एक आरोपी मोटार सायकलवरुन घसरुन पडुन मोटार सायकल तेथेच सोडुन पळुन गेलेला होता. पथकाने सदर मोटार सायकल बाबत माहिती काढली असता सदरची मोटार सायकल ही श्रीरामपूर तालुक्यातुन चोरीस गेली होती. त्या अनुषंगाने पथकाने श्रीरामपूर येथे जावुन मोटार सायकल चोरीस गेलेल्या आजु बाजूचे ठिकाणचे सीसीटीव्ही फुटेजची पहाणी केली असता सदर संशयीत इसम हा रेकॉर्डवरील आरोपी नामे तंजील खान रा. श्रीरामपूर हा असल्याचे निष्पन्न झाले होते.
सदर निष्पन्न आरोपी नामे तंजील खान याचा शोध घेत असतांना पथकास तो अहमदनगर शहरातील लालटाकी येथील पाण्याचे टाकीखाली बसलेला असले बाबत माहिती प्राप्त झाल्याने पथकाने लागलीच सदर ठिकाणी जावुन खात्री करता पाण्याचे टाकी खाली एक इसम मोटार सायकल जवळ बसलेला दिसला. पथकाची खात्री होताच त्यास ताब्यात घेवुन पोलीस पथकाची ओळख सांगुन त्याचे नाव गांव विचारले असता त्याने त्याचे नाव 1) तंजील गफ्फार खान वय 24, रा. हुसेननगर, वॉर्ड नं.1, ता. श्रीरामपूर असे असल्याचे सांगितले. त्यांची पंचा समक्ष अंगझडती घेता त्यांचे अंगझडतीत सोन्याचे दागिने, मोबाईल फोन व मोटार सायकल मिळुन आली. त्याबाबत अधिक विचारपुस करता त्याने मागिल आठवड्यात अहमदनगर शहरातील जॉगींग ट्रॅक व सिव्हील हाडको परिसरातुन महिलांचे गळ्यातील चोरी केलेले सोन्याचे दागिने असल्याचे सांगितल्याने 1) तोफखाना पो.स्टे.गु.र.नं. 238/2024 भादविक 394 व 2) तोफखाना पो.स्टे.गु.र.नं. 249/2024 भादविक 392 असे चैन स्नॅचिंगचे 02 गुन्हे उघडकिस आलेले आहेत.
आरोपी नामे तंजील गफ्फार खान हा सराईत गुन्हेगार असुन त्यांचे विरुध्द श्रीरामपूर शहर पोलीस स्टेशन येथे खुन, दरोडा तयारी, जबरी चोरी, चोरी व आर्म ऍ़क्ट प्रमाणे एकुण 12 गंभीर स्वरुपाचे गुन्हे दाखल आहेत.
वरील प्रमाणे चैन स्नॅचिंग गुन्ह्यात चोरीस गेलेले 1,68,000/- 24 ग्रॅम वजनाचे सोन्याचे 2 मंगळसुत्र, 70,000/- रुपये किंमतीची विना नंबर स्प्लेंडर प्लस मोटार सायकल व 20,000/- रुपये किंमतीचा 1+ मोबाईल फोन असा एकुण 2,58,000/- रुपये किंमतीचा मुद्देमाल आरोपींचे ताब्यात मिळुन आल्याने आरोपीस मुद्देमालासह तोफखाना पोलीस स्टेशन येथे हजर करण्यात आले आहे. पुढील तपास तोफखाना पोलीस स्टेशन करीत आहे.
सदरची कारवाई मा. श्री. राकेश ओला साहेब, पोलीस अधीक्षक, अहमदनगर, मा. श्री. प्रशांत खैरे साहेब, अपर पोलीस अधिक्षक, अहमदनगर व मा. श्री. अमोल भारती साहेब, उपविभागीय पोलीस अधिकारी, नगर शहर विभाग यांचे सुचना व मार्गदर्शना खाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.