राजकिय
आ .लंके यांच्या मार्गदर्शनाखाली पारनेरच्या शाश्वत पाणी योजनेचा पाठपुरावा युद्ध पातळीवर सुरु
पारनेर सह ढवळपुरी येथील थोरात कुटूंबीयांनी दिली आ.लंके यांच्या हकेला साद !
- पारनेर दि.१६ जून (प्रतिनिधी) :
गेल्या अनेक वर्षापासून पारनेरचा शाश्वत पाणीप्रश्‍न हा ऐरणीवर असताना त्याचा उल्लेख फक्त निवडणुका पुरताच होत होता .परंतु त्याला अपवाद ठरले ते पारनेर नगर विधानसभा मतदार संघाचे राष्ट्रवादीचे आमदार निलेश लंके .पारनेर ग्रामपंचायत चे रूपांतर नगरपंचायत मध्ये होऊन सुमारे सात वर्षे झाली .परंतु पारनेर शहरात शाश्वत पाणीपुरवठा नसल्याकारणाने आजही मध्यमवर्गीय , नोकरदार , अधिकारी हे नगर शिरूर व सुपा या ठिकाणी वास्तव्य करत असून नोकरी व्यवसाया निमित्ताने पारनेर शहरात येतात त्यामुळे पारनेरची बाजारपेठ ही वस पडली असून अजूनही शहर नव्हे तर खेडेगावाचा चेहरा पारनेर शहराचा दिसून येत आहे . परंतु आमदार निलेश लंके आमदार झाल्यानंतर त्यांनी पहिले महत्त्वाचे काम हाती घेतले ते पारनेर शहराला शाश्वत पाणीपुरवठा योजना मार्गी लावण्याचे .
काही दिवसापूर्वी राज्याचे उपमुख्यमंत्री तथा अर्थमंत्री अजितदादा पवार पिंपळनेर येथे आले असताना त्यांनी पारनेरच्या शाश्वत पाणी योजनेस तत्त्वतः मंजुरी दिली.व तात्काळ पाठपुरावा करण्याचे आदेश आमदार निलेश लंके व पारनेर नगरपंचायतीला दिले . 2022 मध्ये जेव्हा पारनेर नगर पंचायत राष्ट्रवादीच्या ताब्यात आली . त्यावेळेस पहिले काम या पाणीपुरवठा योजनेचे प्रत्यक्षात सुरू झाले .
पारनेर नगरपंचायतीचे नवनिर्वाचित नगराध्यक्ष विजुभाऊ औटी , उपनगराध्यक्ष सुरेखाताई भालेकर यांच्या मार्गदर्शनाखाली व पाणीपुरवठा सभापती योगेश मते यांच्या अभ्यासू पाठपुराव्यातून ही योजना प्रक्रिया पूर्णत्वास जात आहे .सुमारे सत्तर कोटी रूपये खर्चाच्या पारनेर शहराच्या पाणीयोजनेच्या पंपकीन स्टेशनसाठी ढवळपुरी येथे जागा उपलब्ध व्हावी त्यासाठी आमदार निलेश लंके यांनी साद घालताच , हजारो नागरिकांच्या पिण्याच्या पाण्याचा प्रश्न कायमस्वरूपी सुटणार या पुण्याच्या कामासाठी आपलाही हातभार लागावा म्हणून ढवळपुरी येथील थोरात कुटूंबियांनी अवघ्या एक रूपयाच्या मोबदल्यात सहा गुंठे जागा पारनेर नगरपंचायतीच्या नावावर करून दिली. आमदार नीलेश लंके यांनी थोरात कुटूंबाला या जागेसाठी शब्द टाकला होता. तो शब्द प्रमाण माणून या कुटूंबाने बुधवारी पारनेर येथील दुय्यम निबंधक कार्यालयात येत अवघ्या एक रूपयाच्या मोबदल्यात खरेदीखत करून दिले.
पारनेर शहरासाठी पिण्याच्या पाण्याची समस्या गेल्या अनेक वर्षांपासून भेडसावत आहे. हा प्रश्न कायमस्वरूपी मार्गी लावण्यासाठी आमदार नीलेश लंके यांनी विधानसभा निवडणूकीतील विजयानंतर लगेच पाठपुरावा सुरू केला होता. कोरोना संकटामुळे हा प्रश्न लांबणीवर पडला. मात्र कोरोना संसर्ग कमी झाल्यानंतर या मागणीस चालना मिळाली.नगरपंचायतीचा प्रस्ताव दाखल झाल्यानंतर या योजनेस पारनेर शहराच्या पाणीयोजनेसाठी ढवळपुरी येथील थोरात कुटूंबाने बुधवारी सहा गुंठे जागा विनामोबदला खरेदीखताने नगरपंचायतीच्या नावे करून दिली.
योजना कार्यान्वीत झाल्यानंतर पाणीटंचाई भासू नये यासाठी थेट मुळा धरणाच्या बॅक वॉटरमधून ही योजना राबविण्यात येणार आहे. त्यासाठी ढवळपुरी येथे पंपीग स्टेशन उभारले जाणार असून त्यासाठी गंगाराम महादू थोरात, अलका सुभाष थोरात, गऊबाई सुभाष थोरात, नंदा जयवंत खताळ, मंदाबाई भिकाजी होडगर, शहाबाई महादू थोरात यांनी आ. नीलेश लंके यांच्या शब्दाखातर सहा गुंठे जागा खरेदीखताने नगरपंचायतीच्या नावावर
करून दिली. ढवळपुरी सेवा संस्थेचे चेअरमन भागाजी गावडे यांनी त्यासाठी मोलाचे योगदान दिल्याचे पाणीपुरवठा समितीचे सभापती योगेश मते यांनी सांगितले.
पंपींग स्टेशनवरून कुंभारवाडी येथील फिल्टरप्लॅन्टमध्ये पाणी येणार असून तेथून पारनेर शहर तसेच वाड्या वस्त्यांवर पाणीपुरवठा करण्यात येणार आहे. फिल्टर प्लॅन्टसाठीही कुंभारवाडी येथील नबाबाई औटी, आनंदा औटी, संभाजी औटी, धोंडीभाऊ औटी, भास्कर औटी यांनी तब्बल ३२ गुंठे जागा विनामोबदला यापूर्वीच नगरपंचायतीच्या नावे करून दिले आहे . तर बुगेवाडी येथे पाण्याच्या साठवण टाकीसाठी प्रविण कावरे यांनी विनामोबदला २ गुंठे जागा दिली आहे. सर्व दानशुर व्यक्तींचे आमदार नीलेश लंके, नगराध्यक्ष विजय औटी, उपनगराध्यक्षा सुरेखा भालेकर, पाणीपुरवठा समितीचे
सभापती योगेश मते, आरोग्य समितीच्या सभापती डॉ. विद्या कावरे, बांधकाम समितीचे सभापती नितिन आडसूळ, महिला व बालकल्याण समितीच्या सभापती प्रियंका औटी, नगरसेवक अशोक चेडे, भूषण शेलार, सुप्रिया शिंदे, निता औटी, हिमानी नगरे, श्रीकांत चौरे यांनी आभार मानले आहेत.
आजच्या व्यवहारी जगात मनाचा मोठेपणा दाखवून आपले दातृत्व सिद्ध करणाऱ्या औटी , थोरात व कावरे परिवाराचे पारनेर शहरात चर्चेचा व कौतुकाचा विषय ठरला आहे .
