आमदार रोहित पवारांच्या संकल्पनेतून नागरिक व वारकऱ्यांसाठी पंढरपूरमध्ये उभारले जाणार संतछाया भक्त निवास*

कर्जत( प्रतिनिधी) : दि ८
पंढरपूरमध्ये आ रोहित पवार यांच्या संकल्पनेतून कर्जत-जामखेड एकात्मिक विकास संस्थेच्या माध्यमातून बांधण्यात येणाऱ्या “संतछाया” भक्त निवासाचे भूमिपूजन गुरुवार, दि ७ रोजी महाराष्ट्रातील सर्व संतपिठाचे मान्यवर, कर्जत-जामखेडमधील आध्यात्मिक क्षेत्रात काम करणारे वारकरी संप्रदाय आणि पंढरपूरमध्ये असणारे विविध मठाचे प्रमुख त्यांचे प्रतिनिधी यांच्या हस्ते करण्यात आले. या कार्यक्रमासाठी स्वतः रोहित पवार देखील उपस्थित होते.
कर्जत-जामखेड एकात्मिक विकास संस्थेच्या माध्यमातून पंढरपूरमध्ये भव्य व सुसज्ज भक्त निवासाची उभारणी करण्यात येणार आहे. कर्जत व जामखेड तालुक्यासह महाराष्ट्राच्या विविध भागातून नागरिक व वारकरी मोठ्या प्रमाणात पंढरीच्या दर्शनासाठी पंढरपूर येथे येत असतात. त्यांची राहण्याची गैरसोय होऊ नये या उद्देशाने व नागरिकांनी केलेल्या मागणीनुसार “संतछाया” भक्त निवासाची उभारणी पांडुरंगाच्या पंढरपुरात केली जाणार आहे. या भूमिपूजन सोहळ्याला कर्जत-जामखेडमधील राष्ट्रवादी काँग्रेस पक्षाचे कार्यकर्ते व पदाधिकारी मोठ्या संख्येने उपस्थित होते.