कायनेटिक इंजिनियर कंपनीच्या जेवणात आढळल्या आळ्या, मुंग्या, डोक्याचे केस, आणि झुरळ! पिण्याच्या पानात पाण्यात आढळलेली पाल अन्न औषध प्रशासन अजूनही झोपेत कामगारांच्या काम जीवाशी खेळण्याचा प्रकार रिपब्लिकन सेना करणार मोठे आंदोलन

देशस्तंभ ऑनलाईन न्यूज नेटवर्क : अहिल्यानगर : दि. 26 सप्टेंबर:
नगर दौंड रस्त्यावर कायनेटिक इंजीनियरिंग कंपनी गेल्या अनेक वर्षापासून अस्तित्वात आहे.कंपनीचे नाव पूर्ण भारतभर गाजलेले आहे परंतु कायनेटिक इंजिनिअरिंग प्रायव्हेट लिमिटेड कंपनी मध्ये कामगारांना कॅन्टीनमध्ये जे जेवण दिले जाते, त्यामध्ये अक्षरशः अळ्या डोक्याचे केस झुरळ मुंग्या तसेच पिण्याच्या पाण्यामध्ये पाल आढळल्याचा धक्कादायक प्रकार समोर आला आहे. कंपनीतील कामगारांच्या जीवाशी खेळण्याचा हा प्रश्न अत्यंत गंभीर असून कंपनी व्यवस्थापन यांना वेळोवेळी तक्रार करूनही कुठल्याही प्रकारची दखल घेतली जात नसल्याची देखील माहिती समोर आली आहे. याबाबत रिपब्लिकन सेनेचे युवा जिल्हाध्यक्ष अतुल भिंगारदिवे यांनी कायनेटिक कंपनीतील कॅन्टीनमध्ये समक्ष भेट देऊन जेवणाची तसेच पाण्याची पाहणी केली.
याबाबत रिपब्लिकन सेनेचे युवा जिल्हाध्यक्ष यांनी जिल्हाधिकारी यांना निवेदन देत अन्नसुरक्षा कायदा 2006 प्रतिबंधक कायद्यानुसार कामगारांच्या जीवाशी खेळणाऱ्या सदर कॅन्टीन चालकाचा परवाना रद्द करावा, तसेच कॅन्टीन चालकाविरुद्ध तात्काळ गुन्हा दाखल करावा अशी मागणी लेखी निवेदनाद्वारे करण्यात आली आहे. याबाबत अन्न आणि औषध प्रशासनाशी ही संपर्क साधून या सर्व प्रकारची माहिती देण्यात आली आहे. तरीदेखील अन्न आणि औषध प्रशासन कुठल्याही प्रकारची कारवाई करताना दिसत नाही याचाच अर्थ अन्न आणि औषध प्रशासन गोरगरीब कामगारांच्या मृत्यूची वाट पाहत आहे का? अशा चर्चा कामगार वर्गातून तसेच नगर शहरातून नागरिकांमधून व्यक्त होत आहेत. याबाबत लवकरात लवकर कारवाई न झाल्यास रिपब्लिकन सेना मोठे आंदोलन उभा करणार असल्याचा असल्याचा इशारा देण्यात आला आहे. कामगारांच्या या अति महत्त्वाच्या अति गंभीर प्रश्नावर अन्न आणि औषध प्रशासन काय कारवाई करते आहे? यावर कामगार व नगरकरांचे लक्ष लागले आहे.