देशस्तंभ ऑनलाईन न्यूज नेटवर्क :अहिल्यानगर दि : 9 फेब्रुवारी : पोलीस अधीक्षक राकेश ओला, यांनी पोनि/श्री. दिनेश आहेर, स्थानिक गुन्हे शाखा यांना अहिल्यानगर जिल्ह्यातून हद्दपार करण्यात आलेल्या रेकॉर्डवरील सराईत गुन्हेगारांना चेक करुन, हद्दपार आदेशाचा भंग करणाऱ्याविरूध्द कारवाई करणेबाबत आदेश दिले होते.
पोनि/श्री. दिनेश आहेर यांनी स्थानिक गुन्हे शाखा व तपास पथकातील सपोनि/हेमंत थोरात व पोसई/तुषार धाकराव व पोलीस अंमलदार दत्तात्रय हिंगडे, बापुसाहेब फोलाणे,गणेश भिंगारदे, मनोहर गोसावी, हृदय घोडके, संदीप दरंदले, रोहित येमुल, प्रमोद जाधव, रमीजराजा आत्तार, बाळासाहेब नागरगोजे, सागर ससाणे, अरूण मोरे व महादेव भांड अशांचे पथके नेमून हद्दपार इसमांना चेक करुन कारवाई करणे बाबत आदेशित केले होते.
स्थानिक गुन्हे शाखेच्या पथकांनी जिल्हयातील हद्दपार करण्यात आलेल्या रेकॉर्डवरील सराईत गुन्हेगारांचा अहिल्यानगर शहरामध्ये व शिर्डी पोलीस स्टेशन हद्दीत शोध घेऊन, 03 सराईत गुन्हेगार हद्दपार आदेशाचा भंग करून बेकायदेशीररीत्या वास्तव्य करीत असताना मिळून आल्याने त्यांचेविरूध्द खालीलप्रमाणे शिर्डी व तोफखाना पोलीस स्टेशनला महाराष्ट्र पोलीस कायदा कलम 142 अन्वये गुन्हे दाखल करण्यात आले आहेत.
अ.क्र. पोलीस स्टेशन गुरनं व कलम हद्दपार आदेशाचा भंग करणाऱ्याचे नाव
1 शिर्डी गु.र.नं. 101/2025 मपोकाक 142 विशाल मायकल मोकळ, वय 27, रा.आंबेडकरनगर, राहाता, ता.राहाता, जि.अहिल्यानगर
2 शिर्डी गु.र.नं. 110/2025 मपोकाक 142 सागर भाऊसाहेब गायकवाड, रा.नवीन बाजारतळ, बिरोबा रोड, शिर्डी ता.राहाता, जि.अहिल्यानगर
3 तोफखाना गु.र.नं. 125/2025 मपोकाक 142 सलमान मेहबुब खान, वय 30, रा.कोठला, घासगल्ली, अहिल्यानगर
सदरची कारवाई मा. श्री. राकेश ओला, पोलीस अधीक्षक, अहिल्यानगर, मा. श्री.वैभव कलुबर्मे, अपर पोलीस अधीक्षक, श्रीरामपूर, मा.श्री. प्रशांत खैरे, अपर पोलीस अधीक्षक, अहिल्यानगर यांचे सुचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केलेली आहे
बातमी शेअर करणायसाठी येथे क्लिक करा
