शिवसेनेचा झटका महापालिका प्रशासनाचे डोके आले ठिकाणावर !

अहमदनगर (प्रतिनिधी)महापालिकेतील महिलांची छेडछाड शारीरिक सुखाची मागणी अश्लील चाळे करणाऱ्या तत्कालीन अस्थापना प्रमुख मेहेर लहारे याची काही महिन्यांपूर्वी शिवसेनेच्या आंदोलनामुळे त्या पदावरून हकालपट्टी करण्यात आली होती. आता सिद्धी बाग येथील उद्यानातून सौर उर्जेवर चालणारे विद्युत पोल चोरी करण्याच्या उद्देशाने कापून विकण्याच्या प्रयत्नात असताना लहारे याच्या साथीदारांना काही मनपा कर्मचार्‍यांनी रंगेहात पकडले होते.
त्याबाबत सर्व पुरावे फोटो कॉल रेकॉर्डिंग आयुक्त उपायुक्त यांना पुरावे म्हणून सादर करण्यात आले होते. परंतु राजकीय पाठिंबा आणि महापालिकेतील अधिकारी यांचा पाठिंबा याच्या जोरावर त्यांच्यावर कुठलीही कारवाई झाली नव्हती. परंतु शिवसेनेच्या आयुक्त दालनातील ठिय्या आंदोलना चे रुद्र रूप पाहून महापालिकेचे डोके ठिकाणावर आले आणि तात्काळ मेहेर लहारे याला निलंबित केले पुढील दोन दिवसात गुन्हा दाखल करणार असल्याचे आश्वासन दिले. ज्या ज्या वेळी भ्रष्टाचार आणि महिलांच्या सुरक्षेचा प्रश्न निर्माण होईल त्या त्या वेळी शिवसेना महापालिकेत दे धक्का आंदोलन करणार !