उपप्रादेशिक परिवहन कार्यालयाच्‍या मोटार वाहन निरिक्षकांचा मे मधील दौरा कार्यक्रम
*अहमदनगर (प्रतिनिधी) दि. ११ –
अहमदनगर उपप्रादेशिक परिवहन कार्यालयाच्‍या मोटार वाहन निरीक्षकांचा मे २०२२ मधील शिबीर कामकाज दौरा पुढीलप्रमाणे आहे. पारनेर 10 मे, शेवगांव 11 मे, काष्टी 12 मे, कर्जत 17 मे, श्रीगोंदा 18 मे, जामखेड 19 मे, पाथर्डी 24 मे, टाकळी ढोकेश्वर 25 मे आणि चौंडी 26 मे, 2022 प्रत्‍येक तालुक्यात मासिक दौ-याचा दिवस हा वर नमूद दिनांकाप्रमाणे असेल.
ज्या दिनांकाचे दिवशी सार्वजनिक सुट्टी असेल किंवा शासकीय सुट्टी जाहीर होईल तसेच प्रशासकीय कारणास्तव दौरा रह झाल्यास त्या दिवसाच्या मासिक दोऱ्याचे कामकाज दुसऱ्या सोईस्कर दिवशी होईल व त्याची तारीख त्यावेळी जाहीर करण्यात येईल. अर्जदारांची अपूर्ण कागदपत्रे कोणत्याही परिस्थितीत स्विकारली जाणार नाहीत. कॅम्पचे सर्व कामकाजाबाबत शुल्क ऑनलाईन पध्दतीने भरणे बंधनकारक राहील. दोऱ्याच्या ठिकाणी परराज्यातून आलेली वाहने (RMA) तसेच बसेस तपासणी केली जाणार नाहीत. ज्या तालुक्यात कॅम्प आयोजित करण्यात आलेला आहे त्या तालुक्यातील नागरीकांचे कॅम्पमध्ये कामकाज करण्यात येईल. शिबीर कामकाज ठिकाणी तपासणी होणाऱ्या सर्व नवीन तात्पुरती नोंदणी झालेल्या परिवहनेत्तर संवर्गातील वाहनांचे डिस्क्लेमर असल्याशिवाय वाहनांची तपासणी करण्यात येणार नाही याची संबंधितांनी नोंद घ्यावी असे अहमदनगरचे उप प्रादेशिक परिवहन अधिकारी यांनी प्रसिध्दीपत्राद्वारे कळविले आहे.
