अहमदनगर शहरामध्ये विक्री करण्याचे उद्देशाने गावठी कट्टा बाळगणाऱ्या इसमास स्थानिक गुन्हे शाखेने घेतले ताब्यात 01 गावठी कट्टा व 01 जिवंत काडतुस जप्त

अहमदनगर दि. 11 (प्रतिनिधी )
मा. श्री. राकेश ओला साहेब, पोलीस अधिक्षक, अहमदनगर यांनी पोनि/श्री. दिनेश आहेर, स्थागुशा अहमदनगर यांना आगामी नवरात्र उत्सवाचे अनुषंगाने जिल्ह्यातील अवैध अग्नीशस्त्रे व हत्यारे विरुध्द जास्तीत जास्त कारवाई करणे बाबत आदेश दिले होते.
नमुद आदेशान्वये जिल्ह्यातील अवैध अग्नीशस्त्रे व हत्यारे या बाबत माहिती घेताना दिनांक 10/10/2023 रोजी पोनि/श्री. दिनेश आहेर यांना गुप्तबातमीदारा मार्फत माहिती मिळाली की, इसम नामे अनिकेत राजेंद्र वडागळे रा. पाईपलाईन रोड, अहमदनगर हा त्याचे कब्जामध्ये विनापरवाना गावठी कट्टा व काडतुस बाळगुन विक्री करण्याचे उद्देशाने तारकपुर ते रामवाडी जाणारे रोडने फिरत आहे. अशी खात्रीशिर बातमी मिळाल्याने पोनि/श्री. दिनेश आहेर यांनी स्थानिक गुन्हे शाखेचे सपोनि हेमंत थोरात, पोहेकॉ/विजय वेठेकर, पोना/रविंद्र कर्डिले, संतोष लोढे, ज्ञानेश्वर शिंदे, संदीप चव्हाण यांना तात्काळ सदर इसमाची माहिती काढुन त्यास ताब्यात घेणेबाबत सुचना देवुन रवाना केले.
पोलीस पथकाने तारकपुर ते रामवाडी रोडला सापळा लावुन त्या ठिकाणी एक संशयीत इसम मिळुन आल्याने त्यास शिताफिने ताब्यात घेवुन त्यास त्याचे नाव गांव विचारले असता त्याने त्याचे नाव अनिकेत राजेंद्र वडागळे वय 24 वर्षे, रा. पाईपलाईन रोड, अहमदनगर, जि. अहमदनगर असे असल्याचे सांगितले. सदर इसमाची पंचासमक्ष अंगझडती घेता त्यांचे अंगझडतीमध्ये 30,000/- रुपये किमतीचा एक देशी बनावटीचा कट्टा व 500/- रुपये किमतीचे एक जिवंत काडतुस, तसेच 50,000/- रुपये किमतीची सुझुकी कंपनीची एक ऍ़क्सेस मोटारसायकल असा एकुण 80,500/- रुपये किमतीचा मुद्देमाल मिळुन आला. त्याचेकडे गावठी कट्टयाबाबत विचारपुस करता त्याने सदरचा कट्टा विक्री करण्याकरीता आणला असल्याची कबुली दिली आहे.
इसम अनिकेत राजेंद्र वडागळे वय 24 वर्षे, रा. पाईपलाईन रोड, अहमदनगर, जि. अहमदनगर हा वरीलप्रमाणे 01 गावठी कट्टा, 01 जिवंत काडतुस विक्री करण्याचे उद्देशाने आपले कब्जात बाळगतांना मिळुन आल्याने त्याचेविरुध्द पोना/185 ज्ञानेश्वर नामदेव शिंदे नेम – स्थानिक गुन्हे शाखा, अहमदनगर तोफखाना पोलीस ठाणे येथे दिलेल्या फिर्यादीवरुन गु.र.नं. 1485/2023 आर्म ऍ़क्ट 3/25, 7 प्रमाणे गुन्हा दाखल करण्यात आलेला आहे. पुढील कायदेशिर कार्यवाही तोफखाना पोस्टे करीत आहे.

आरोपी अनिकेत राजेंद्र वडागळे याचेविरुध्द यापुर्वी खुनाचा गुन्हा दाखल असुन त्याची माहिती खालीलप्रमाणे
अ.क्र. पोलीस स्टेशन गु.र.नं. व कलम
1. तोफखाना पोलीस स्टेशन 4801/2020 भा.द.वि.कलम 302 प्रमाणे
सदर कारवाई मा. श्री. राकेश ओला साहेब, पोलीस अधीक्षक, अहमदनगर, श्री. प्रशांत खैरे साहेब, अपर पोलीस अधिक्षक, अहमदनगर, श्री अनिल कातकाडे उपविभागीय पोलीस अधिकारी नगर शहर विभाग, यांचे सुचना व मार्गदर्शना खाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.