दरोड्याच्या तयारीत असलेले 4 आरोपीस 4,26,700/- रुपये किंमतीच्या मुद्देमालासह स्थानिक गुन्हे शाखेने घेतले ताब्यात घरफोडीच्या 2 गुन्ह्यांची उकल

अहमदनगर दि. 28 जून (प्रतिनिधी )
प्रस्तुत बातमीची हकिगत अशी की, मा. श्री. राकेश ओला साहेब, पोलीस अधीक्षक, अहमदनगर यांनी पोनि/श्री. दिनेश आहेर, स्थानिक गुन्हे शाखा, अहमदनगर यांना जिल्ह्यातील मालाविरुध्दचे गंभीर स्वरुपाचे ना उघड गुन्हे उघडकीस आणणे व गुन्ह्यांना आवश्यक ते प्रतिबंध करणेबाबत आदेशित केले होते.
नमुद आदेशान्वये पोनि/श्री. दिनेश आहेर यांनी स्थानिक गुन्हे शाखेतील पोउपनि/सोपान गोरे व अंमलदार मनोहर गोसावी, रविंद्र कर्डीले, दत्तात्रय हिंगडे, बापुसाहेब फोलाणे, ज्ञानेश्वर शिंदे, गणेश भिंगारदे, पंकज व्यवहारे, विशाल दळवी, विश्वास बेरड, देवेंद्र शेलार, संदीप चव्हाण, संदीप दरंदले, संतोष खैरे, फुरकान शेख, अमृत आढाव, रविंद्र घुंगासे, विशाल तनपुरे, मच्छिंद्र बर्डे, जालिंदर माने, मयुर गायकवाड, शिवाजी ढाकणे, किशोर शिरसाठ, प्रमोद जाधव, मेघराज कोल्हे, अरुण मोरे व मोहम्मद शेख अशांचे पथक नेमुन गुन्हे उघडकीस आणणे बाबत सुचना देवुन पथकास रवाना केले होते.
वरील सुचना प्रमाणे पथक अहमदनगर जिल्ह्यातील दरोडा व जबरी चोरीचे गुन्ह्यातील आरोपींची माहिती काढत असताना पोनि/श्री. दिनेश आहेर यांना गुप्तबातमीदारा मार्फत इसम नामे गुंड्या डिस्चार्ज काळे रा. छत्रपती संभाजीनगर हा त्याचे 5 ते 6 साथीदारांसह 2 मोटार सायकलवर येवुन बेलापुर ते पढेगांव रोडवर काळभैरवनाथ मंदीराचे कमानीजवळ, ता. श्रीरामपूर येथे अंधारामध्ये थांबुन कोठे तरी दरोडा घालण्याचे तयारीत दबा धरुन बसलेले आहेत आता गेल्यास मिळुन येईल अशी खात्रीशीर माहिती मिळाल्याने पोनि/श्री. दिनेश आहेर यांनी प्राप्त माहिती पथकास कळवुन खात्री करुन कारवाई करणे बाबत आवश्यक सुचना दिल्या. पथकाने लागलीच बातमीतील ठिकाणी बेलापुर ते पढेगांव रोडवर, काळभैरवनाथ मंदीराचे कमानी समोर, ता. श्रीरामपूर येथे जावुन खात्री करता काळभैरवनाथ मंदीराचे कमानी समोरील ओढयाचे पुलाजवळ, उंबरगांव शिवारात काही संशयीत इसम दबा धरुन बसलेले दिसले. पथक संशयीतांना पकडण्याचे तयारीत असतांना, त्यांना पोलीस पथकाची चाहुल लागताच ते पळुन जावु लागले. पथकाने त्यांचा पाठलाग करुन 04 इसमांना शिताफीने ताब्यात घेतले. त्यावेळी तेथुन 02 इसम अंधाराचा फायदा घेवुन पळुन गेला. ताब्यात घेतलेल्या संशयीतांना अंधारामध्ये थांबण्याचे कारणाबाबत विचारपुस करता त्यांनी काहीएक समाधानकारक उत्तरे दिली नाही. त्यावेळी त्यांना त्यांची नावे गांवे विचारता त्यांनी त्यांची नावे 1) स्वरुप ऊर्फ गुंड्या डिस्चार्ज काळे वय 24, 2) द-या बरांड्या भोसले वय 25, 3) आजब्या महादु भोसले वय 29, सर्व रा. अंतापुर, ता. गंगापुर, जिल्हा छत्रपती संभाजीनगर व 4) कुलत्या बंडु भोसले वय 23, रा. बाबरगांव, ता. गंगापुर, जिल्हा छत्रपती संभाजीनगर असे असल्याचे सांगितले. त्यांचेकडे पळुन गेलेल्या संशयीत इसमांचे नांव पत्ते विचारले असता त्यांनी पळुन गेलेल्या इसमांची नावे 5) रवि ऊर्फ रविंद्र मुबारक भोसले (फरार) व 6) सोहेल पठाण (फरार) दोन्ही रा. गंगापुर, जिल्हा छत्रपती संभाजीनगर असे सांगितले.
ताब्यात घेण्यात आलेल्या आरोपींकडे अहमदनगर जिल्ह्यात आणखीन कोठे गुन्हे केले याबाबत अधिक विचारपुस करता त्यांनी नेवासा व श्रीरामपूर शहर परिसरात गुन्हे केल्याचे सांगितल्याने जिल्हा गुन्हे अभिलेख पडताळणी करता खालील प्रमाणे 2 गुन्हे उघडकीस आलेले आहेत.

अ.क्र. पोलीस स्टेशन गु.र.नं. व कलम
1. नेवासा 597/24 भादविक 454, 380
2. श्रीरामपूर शहर 613/24 भादविक 454, 457, 380

ताब्यातील इसमांची पंचा समक्ष संशयीतांची अंगझडती घेता त्यांचे कब्जात 70,000/- रुपये किंमतीची 10 ग्रॅम वजनाची बोरमाळ, 70,000/- रुपये किंमतीचे लॉकेट, 42,000/- रुपये किंमतीची 6 ग्रॅम वजनाची नथ, 35,000/- रुपये किंमतीची 5 ग्रॅम वजनाची अंगठी, 1,60,000/- रुपये किंमतीच्या 2 शाईन मोटार सायकल, 2,000/- रुपये किंमतीची 1 तलवार, 2,000/- 1 एअर पिस्टल, 500/- 1 कटावणी, 200/- 1 रामपुरी चाकु, मिरचीपुड असा एकुण 4,26,700/- रुपये किमतीचा मुद्देमाल मिळुन आल्याने त्यांचे विरुध्द एमआयडीसी पो.स्टे.गु.र.नं. 655/2024 भादविक 399, 402 सह आर्म ऍ़क्ट 4/25 प्रमाणे दरोडा तयारीचा गुन्हा दाखल करण्यात आला आहे. पुढील तपास श्रीरामपूर शहर पोलीस स्टेशन करीत आहे.
1) आरोपी कुलत्या बंडु भोसले हा सराईत गुन्हेगार असुन त्याचे विरुध्द अहमदनगर व औरंगाबाद जिल्ह्यात दरोडा, जबरी चोरी व घरफोडी असे गंभीर स्वरुपाचे एकुण – 15 गुन्हे दाखल आहेत.
2) आरोपी स्वरुप ऊर्फ गुंड्या डिस्चार्ज काळे हा सराईत गुन्हेगार असुन त्याचे विरुध्द अहमदनगर व औरंगाबाद जिल्ह्यात दरोडा तयारी, दरोडा, जबरी चोरी व घरफोडी असे गंभीर स्वरुपाचे एकुण – 15 गुन्हे दाखल असुन अहमदनगर जिल्ह्यातील श्रीरामपूर शहर, नेवासा व घारगांव पोलीस स्टेशन येथील 3 घरफोडीच्या गुन्ह्यात फरार आहे.
3) आरोपी द-या बरांड्या भोसले हा सराईत गुन्हेगार असुन त्याचे विरुध्द अहमदनगर व औरंगाबाद जिल्ह्यात दरोड्याचे 3 गुन्हे दाखल आहेत.
4) आरोपी आजब्या महादु भोसले हा सराईत गुन्हेगार असुन त्याचे विरुध्द अहमदनगर व औरंगाबाद जिल्ह्यात दरोडा तयारी व फसवणुक असे गंभीर स्वरुपाचे एकुण 3 गुन्हे दाखल आहेत.
सदरची कारवाई मा. श्री. राकेश ओला साहेब. पोलीस अधीक्षक, अहमदनगर, मा. श्री. वैभव कलुभर्मे साहेब, अपर पोलीस अधीक्षक, श्रीरामपूर, मा. डॉ. श्री. बसवराज शिवपुजे साहेब, उपविभागीय पोलीस अधिकारी, श्रीरामपूर विभाग यांचे सुचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.