श्री संत बाळूमामा प्रतिष्ठानच्या वतीने स्वातंत्र्यदिनी जिल्हा परिषद प्राथमिक शाळा कोसेगव्हाण येथे पारितोषिक वितरण सोहळा संपन्न
भोसे दि.१७ ऑगस्ट (प्रतिनिधी)
कोसेगव्हाण गावातील जिल्हा परिषद प्राथमिक शाळेत श्री संत बाळूमामा प्रतिष्ठान भोसे-चखालेवाडी यांच्या वतीने घेण्यात आलेल्या चित्रकला स्पर्धमध्ये प्रावीण्य मिळविलेल्या विद्यार्थ्यांना दि.15 ऑगस्ट मंगळवार रोजी स्वातंत्र्यदिनाच्या महोत्सवादिनी प्रमाणपत्र, ट्रॉफी आदींनी गौरविण्यात आले. तसेच सहभागी विद्यार्थ्यांना प्रोत्साहनपर प्रमाणपत्र वितरित करण्यात आले.
या कार्यक्रमाचे बक्षीस वितरण मान्यवरांच्या हस्ते करण्यात आले तसेच स्पर्धेचे आयोजन प्रतिष्ठानच्यावतीने दिगंबर ढोले, सोसायटी चेअरमन हर्षवर्धन नलगे, मिनीनाथ माणिक भोईटे,आबा माने, प्रकाश कदम,मारुती गरड,अनिल चव्हाण यांनी केले.
कार्यक्रमासाठी प्रमुख पाहुणे कार्यक्रमाचे अध्यक्ष सरपंच स्वाती युवराज शिंदे, उपसरपंच भिमराव बापुराव नलगे, सरपंच पती युवराज शिंदे,शालेय शिक्षण समिती अध्यक्ष बाबासाहेब अर्जुन देशमुख, शालेय शिक्षण समिती उपाध्यक्ष हनुमंत सुरेश गरड, ज्ञानदेव आण्णा चव्हाण, ग्रा.सदस्य संदिप विलास पुजारी,रेखा हरिभाऊ नलगे, बदाम दत्तात्रय ढवळे,अकबरभाई शेख, हरिभाऊ नलगे, हौसराव गोरे,सुनिल चव्हाण तसेच मुख्याध्यापक शिक्षक शिक्षकेतर कर्मचारी, अंगणवाडी सेविका,आरोग्य सेविका,ग्रामस्थ तसेच पालक व विद्यार्थी मोठ्या संख्येने उपस्थित होते. कार्यक्रमाचे सूत्रसंचालन मुख्याध्यापक नितिन शेळके यांनी केले.
