अहमदनगर जिल्ह्यातून हद्दपार करण्यात आलेला सराईत गुन्हेगार सारसनगर कानडेमळा, अहमदनगर येथुन स्थानिक गुन्हे शाखेने केला जेरबंद!

अहमदनगर दिं.२१ एप्रिल (प्रतिनिधी) जिल्हा पोलिस अधीक्षक
मा. श्री. राकेश ओला साहेब, यांनी पोनि/श्री. दिनेश आहेर, स्थानिक गुन्हे शाखा, अहमदनगर यांना आगामी सण व उत्सव अनुषंगाने अहमदनगर जिल्ह्यातून हद्दपार करण्यात आलेल्या रेकॉर्डवरील सराईत गुन्हेगारांना चेक करुन सदरचे हद्दपार गुन्हेगार हद्दपार आदेशाचा भंग करुन अहमदनगर जिल्ह्यामध्ये बेकायदेशिररित्या वास्तव्य करताना मिळून आल्यास कारवाई करणेबाबत आदेश दिले होते.
नमुद आदेशा प्रमाणे पोनि/श्री. दिनेश आहेर यांनी स्थानिक गुन्हे शाखेतील पोहेकॉ/संदीप घोडके, दिनेश मोरे, संदीप पवार, देवेंद्र शेलार, पोकॉ/योगेश सातपुते अशा अंमलदारांचे पथक नेमून हद्दपार इसमांना चेक करुन कारवाई करणे बाबत आदेश दिले होते.
त्याप्रमाणे पथकातील अंमलदार हे अहमदनगर शहरातील हद्दपार गुन्हेगारांना चेक करीत असताना पोनि/श्री. दिनेश आहेरयांना गुप्तबातमीदारा मार्फत माहिती मिळाली कि, हद्दपार इसम नामे नितीन लाड हा हद्दपार असताना सारसनगर, कानडेमळा, अहमदनगर येथे त्याचे राहते घरी आलेला आहे. आता गेल्यास मिळुन येईल अशी खात्रीशीर माहिती मिळाल्याने पोनि/दिनेश आहेर यांनी प्राप्त माहिती पथकास कळवुन खात्री करुन कारवाई करणे बाबत सुचना दिल्या. पथकातील पोलीस अंमलदार यांनी तात्काळ निलक्रांती चौकात जावुन हद्दपार आरोपी नामे नितीन लाड याचा शोध घेत असताना तो घरा समोर उभा असलेला दिसला. पथक त्यास ताब्यात घेण्याचे तयारीत असताना त्यास पथकाची चाहुल लागताच तो पळुन जावु लागला. पथकाने त्याचा पाठलाग करुन त्यास शिताफीने ताब्यात घेतले. नमुद हद्दपार गुन्हेगाराचे हद्दपार आदेशाबाबत खात्री केली असता, आरोपी नामे नितीन किसन लाड, रा. सारसनगर, कानडेमळा, अहमदनगर यास हद्दपार प्राधिकर तथा, पोलीस अधिक्षक, अहमदनगर यांचेकडील आदेशान्वये अहमदनगर जिल्ह्यातून हद्दपार करण्यात आलेले आहे.
वरील नमुद हद्दपार इसम हा हद्दपार आदेशाचा भंग करुन बेकायदेशिररित्या अहमदनगर शहरामध्ये वास्तव्य करीत असताना मिळून आल्याने त्यांचे विरुध्द भिंगार कॅम्प पोस्टे गु.र.नं. 221/2023 मपोकाक 142 प्रमाणे गुन्हे दाखल करण्यात आलेले आहेत. पुढील कार्यवाही भिंगार कॅम्प पोस्टे करीत आहे.
सदरची कारवाई मा. श्री. राकेश ओला साहेब, पोलीस अधीक्षक, अहमदनगर, मा. श्री. प्रशांत खैरे साहेब, अपर पोलीस अधीक्षक, अहमदनगर, मा. श्री. अनिल कातकाडे साहेब, उपविभागीय पोलीस अधिकारी, नगर शहर विभाग यांचे सुचना व मार्गदर्शना खाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.