गुरुनानक चौक गुरुद्वारा मंदिराच्या वतीने झेंडीगेट चौकात प्रभाग क्रमांक 13 मधील राष्ट्रवादी (अजित पवार ) गटाच्या सर्व विजयी उमेदवारांचा सत्कार!

देशस्तंभ ऑनलाईन न्यूज नेटवर्क : अहिल्यानगर : दि. 18 जानेवारी : अहिल्यानगर महानगर पालिका निवडणूक डॉ. सुजय विखे पाटील व आमदार संग्राम भैय्या जगताप यांच्या नेतृत्वाखाली पार पडल्या, या निवडणुकीत भाजप, राष्ट्रवादी (अजित पवार ) गटाच्या उमेदवारांना घवघवीत यश मिळाले.
प्रभाग क्रमांक 13 मधून राष्ट्रवादीचे मधून अनुसूचित जाती अ सुरेश लक्ष्मण बनसोडे, नागरिकांचा मागास प्रवर्ग ब पडोळे सुजाता महेंद्र (गोरख ), सर्वसाधारण महिला शेटीया अनिता विपुल, सर्व साधारण ड मधून अविनाश (तात्या ) हरिभाऊ घुले हे बहुमताने निवडून आले. या विजयी उमेदवारांचा गुरुनानक चौक गुरुद्वारा मंदिराच्या वतीने झेंडीगेट चौकात शाल, पुष्पगुच्छ, फेटा बांधत सत्कार केला. यावेळी नवनिर्वाचित नगरसेवक अविनाश (तात्या) घुले, विपुल शेटीया, महेंद्र (गौरख ) पडोळे, सुरेशभाऊ बनसोडे आदी उपस्थित होते. यावेळी परिसरातील कार्यकर्ते व नागरिक मोठया संख्येने उपस्थित होते.